2020ko aurrekontuak onartu dituzte Eusko Legebiltzarrean
Eusko Legebiltzarrak gaur onartu ditu behin betiko datorren urteko EAEko aurrekontuak. Legealdiko azken aurrekontuak dira, eta aurrera atera dira Jaurlaritzak (EAJ eta PSE-EE) ,Podemosekin eta Equorekinlortutako akordioaren ondoren.
11.774 milloi euroko aurrekontuak dira. 10 eurotik ia 8 osasun, hezkuntza, enplegu eta gizarte politiketara bideratuko dira; 90.000 langile publikok % 2ko soldata igoera izango dute; % 4 igoko da, berriz, Diru-sarrerak Bermatzeko Errenta.
Azken puntu hori txertatu dute Podemosekin eta Equorekin lotutako akordioan. Guztira 201,5 milioi euro nora bideratu adostu zuten Jaurlaritzak eta alderdi moreak, eta horri esker, Podemoseko eta Equoko legebiltzarkideek abstentziora jo dute aurrekontuak onar daitezen.
PPk eta EH Bilduk, berriz, aurrekontuen aurka bozkatu dute.
Onartutako aurrekontuen herri eredua kritikatu dute EH Bilduk eta PPk, baina kontrako arrazoiengatik. Ezker Anitzak ere aurrekontuak errefusatu ditu. EAJk eta PSE-EEk, aldiz, adostutako akordioaren garrantzia azpimarratu dute.
Ituna euskal gizartearentzako beharrezkoa zela uste du koalizio moreak, nahiz eta onartutako aurrekontuak bereak ez izan.
Aurrekontuak "EAJren eta PSE-EEren betiko errezeta dira", adierazi du Leire Pinedok (EH Bildu). "Sekula jarriko ez ziren tokian" eseri direla aurpegiratu dio Elkarrekin Podemosi, aurrekontuek "marko agortu bati eusten diotelako, nahiz eta morez edo berdez margotu".
Akordioa PSOEk eta Unidas Podemosek Gobernua osatzeko negozioaren barnean kokatu du Anton Damboreneak (PP). Onartutako aurrekontuek islatzen duten "EAJren eredua" errefusatu du Damboreneak: "batzuek lan egin, zergak ordaindu eta kotizatu behar dute, eta beste batzuek ez, baina hala ere diru-laguntzetarako eskubidea dute".
Adostutako aurrekontuaren eredua kritikatu du Jon Hernandez Ezker Anitzako legebiltzarkideak, "herriaren garapen desorekatu eta bidegabea indartzen duelako, eta ustelkeria zein klientelismoa errazten dituelako". "Ez gaude akordioarekin ados, baina ezkerraren batasunaren alde lanean jarraituko dugu", erantsi du.
Lander Martinez Podemoseko buruzagiak, ostera, akordioa defendatu du, "gorren arteko elkarrizketa bat desblokeatu duelako". "Pentsaezinak ziruditen politika ausartak egitera behartu dugu Jaurlaritza", nabarmendu du.
Bestalde, "nerabe harroputzaren jarrera" alde batera uztea eskatu dio Mikel Arruabarrenak (EAJ) EH Bilduri, are gehiago orain "Madrilen erraztaileak" direnean, Euskadirentzako hobekuntzak lortzeko.
Azkenik, aurrekontuek "egonkortasun eta aurrerapen" marko bat sendotzen dutela uste du Alexia Castellok (PSE-EE). PPren kritikei erantzun die legebiltzarkide sozialistak. Mariano Rajoyren aurkako zentsura-mozioaz geroztik "gorrotoari helduta" dagoela esan du.
BIDEOA | EH Bilduk, PPk eta Ezker Anitzak aurrekontuen aurkako botoa eman dute
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.