EAJk alderdiaren zuzendaritza berrituko du uztailean, VIII. Batzar Nagusian
EAJk uztailean, alderdiaren VIII. Batzar Nagusian, aukeratuko ditu EBBko presidentea eta zuzendaritza berria, Andoni Ortuzar EBBko presidenteak gaur iragarri duenez. Buruzagi jeltzaleak ez du argitu nahi izan karguan jarraitzeko asmorik ote duen, eta militanteen esku utzi du proposamena egitea. Halakorik egongo balitz, ez du baztertu hirugarren agintaldi bati ekitea, bera "txandakatzearen aldekoa" bada ere.
Ortuzarrek berak eta Mireia Zarate EBBko idazkariak prentsaurrekoan emandako azalpenen arabera, biltzarra Bilbon egingo dute, uztailaren 11n eta 12an.
EAJko presidentearen esanetan, gaur bertan jakinarazi diete Uri Erakundeei eta Euzkadiz kanpoko Erakundeei zein Aberri Batzarreko kideei Batzar Nagusirako prozesua abian dela. Era berean, lehendakarigaia aukeratzeko barne hauteskunde prozesua ere martxan dagoela gogorarazi diete.
Horren ildoan, Ortuzarrek adierazi du EBBk astelehenean egingo duela proposamena, Iñigo Urkullurekin hitz egin ostean. Proposatutako hautagaiaren izena asteazkenean, hilaren 13an, jakinaraziko dute batzar nazional batean.
"EAJk aukera asko ditu"
Bere balizko berrautaketa dela eta, EAJko presidenteak ez du baieztatu alderdiaren buru izango den ala ez, "udal erakundeek proposatzen dutelako". "Maiatzera arte itxaron behar dugu, udal erakundeek iritzia eman arte", esan du. Zehaztu duenez, barne hauteskunde prozesuaren lehen eta bigarren itzulien artean izango da "hautagaia izatearen edo ez izatearen onarpena formalizatzeko aukera".
Bera "alderdiko pertsona" dela esan du Ortuzarrek. "Ni ondo nago, alderdiko pertsona naiz, bizitza osoan diziplinatua izan naiz, baina honetan, norbere gogoaz gain, alderdiaren osotasunari ere begiratu behar zaio, eta etxe honi ondoen komeni zaion horretan jardun, hori baita egingo dudana", esan du.
Alderdiko kargudunen agintaldiak mugatzearen aldekoa ote den galdetuta, eta Joseba Egibar Gipuzkoako EAJko presidentearen kasua dela eta, oro har, alderdien sistema mistoa dela esan du, baina "batzarren esku uzten du azken erabakia".
"Egia da estatutuek xedatzen dutela bigarren agintalditik aurrera urtebeteko agintaldia hutsik egon daitekeela, baina batzarrek muga horretatik salbuetsi ahal izango dutela ere esaten dute", adierazi du.
Zure interesekoa izan daiteke
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.
Ibone Bengoetxea: “Lege honen espiritua segurtasun juridiko handiagoa eskaintzea da, exijentzia gehiago ezarri gabe”
Lehendakariordeak, EAJk eta EH Bilduk euskararen segurtasun juridikoa bermatzeko akordioaren balioa nabarmendu dute; PSEk, PPk, Sumarrek eta Voxek, berriz, lege-aldaketa zalantzan jarri dute.
Eusko Legebiltzarrak lan eskaintza publikoetan euskararen babesa indartzeko erreforma onartu du
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak bota dizkiote elkarri Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta sozialistak erantzun dio Alderdi Popularraren sortzailea aita "torturatu eta erbesteratu zuen diktadurako gobernuaren" parte izan zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu egin dituelakoan, negozioetako ustelkeria barne.
EAJk eta EH Bilduk akordioa lortu dute Enplegu Publikoaren Legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.