Altsasuko auziagatik zigortutako gazteetako bost bigarren graduan sailkatu dituzte
Altsasuko auzian zigortutako bost gazte bigarren graduan sailkatu ditu Espetxe Zuzendaritzak, eta, horrenbestez, kartzelatik noizbehinka irteteko baimenak eskatzeko moduan daude, Diario de Noticias egunkariak ostiral honetan aurreratu, eta EiTBk baieztatu duenez.
Zehazki, Oihan Arnanzek (9,5 urteko kartzela-zigorra), Jokin Unamunok (8,5 urte), Adur Ramirez de Aldak (8,5 urte), Jon Ander Cobek (7,5 urte) eta Julen Goikoetxeak (7,5 urte) jaso dute jada espetxe zaintzaren jakinarazpen hori, zigorraren laurdena betea dutenean, eta, beraz, unean uneko baimenak eska ditzakete Zaballako (Araba) espetxetik ateratzeko. Oihanek, Jokinek eta Adurrek 1.153 egun daramatzate kartzelan, eta Jon Anderrek, Julenek, Aratzek eta Iñakik, berriz, 619 egun.
Epai irmoa duten preso guztiei ezartzen zaien ohiko neurria da, eta, epe ertainera begira, hirugarren gradua lortzeko beste urrats bat da. Horrek egunez eta asteburuetan espetxetik ateratzeko aukera emango lieke, Iñaki Abad eta Aratz Urrizola gazteei bezala. Egunero, lanera edo ikastera joan daitezke biak, baina lotara itzultzen dira Zaballako espetxera.
Auzitegi Gorenak bederatzi urte eta sei hilabetera arteko zigorrak ezarri zizkien zortzi auzipetuei, bi guardia zibilekin eta haien bikotekideekin Altsasuko Koxka tabernan izan zuten liskarragatik. Gertakariak 2016ko urrian jazo ziren.
Gurasoek epaia "bidegabea eta neurrigabea" zela salatu zuten orduan, eta ibilbide judizialean azkeneraino iritsiko zirela baieztatu zuten, helegiteak Auzitegi Konstituzionalean eta Giza Eskubideen Europako Auzitegian jartzeraino.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Bionan, bigarren itzulira elkarrekin aurkezteko
Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Arratsaldeko 17:00etan egingo duten agerraldian emango dituzte akordioaren xehetasunak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.