Madrilgo Kongresuan ordezkaritza duten taldeekin bilera erronda abiatuko du Sarek
Milaka pertsonak Bilbon eta Baionan espetxe politika aldatzea eskatu eta biharamunean, euskal presoen eskubideen aldeko Sare plataformak aurrera begira dituen erronken berri eman du hedabideen aurrean.
Atzoko mobilizazioetan parte hartu zuten herritarrei, boluntarioei eta eragileei eskerrak eman ondoren, Arantza Aldezabal Sareko eledunak iragarri du Espainiako Gobernu berria eratzen denean, bilera erronda abiatuko dutela Madrilen ordezkaritza duten eta "harrera egiteko prest" dauden talde guztiekin. Horiei euskal presoen egoerari buruzko txostena helaraziko zaie, eta helburua euskal presoen auzia agendaren erdigunean kokatzea dela esan du plataformako bozeramaileak.
"Gure helburua Madrilen ordezkaritza duten alderdiak informatu ahal izatea da, baina baita jarrera pro-aktibo bat eskatzea ere, giza eskubideek, esparru horretan, ahaztutako zerbait izateari utz diezaioten, eta alderdi eta talde parlamentarioen agendetan sar dadin", adierazi du.
Halaber, presoek bizi duten egoera nazioartera helaraztea da Sarek mahai gainean duen beste lan-ildo nagusietako bat. Horretarako, Aldezabalek aurreratu duenez, gatazka egoeratan gertatzen diren giza eskubideen urraketen inguruko nazioarteko kongresu bat antolatzea aztertzen ari dira, beste hainbat erakunderekin elkarlanean.
Rosa Roderok, Joseba Goikoetxea ETAk hildako Ertzaintzako sarjentuaren alargunak, eta Axun Lasak, Joxean Zabala GALeko biktimaren arrebak, Bilboko manifestazioaren amaieran irakurritako manifestuko hitzak ekarri ditu gogora Sareko ordezkariek. Horren hitzetan, giza eskubideen errespetua ezinbesteko urratsa da bizikidetzan sakontzeko, "giza eskubideen bermerik gabe ez baitago elkarbizitza eraikitzerik".
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.