Torrak autodeterminazioa eta errepresioa amaitzea eskatuko dio Sanchezi
Kataluniako alderdi eta erakunde independentistek desadostasun estrategikoak agertu dituzte Quim Torra presidenteak antolatutako goi-bileran, baina adostasunera iritsi dira Espainiako Gobernuari autodeterminaziorako eskubidea eta "errepresioaren amaiera" eskatzeko.
Generalitateko Jauregian egindako bilerak bi ordu iraun du, eta Torrak deitu du denen artean aldarrikapenak adosteko, Pedro Sanchezen Gobernuarekin, Kataluniako gatazkari irtenbidea emateko, abiatuko duen aldebiko negoziazio prozesuari begira.
Gutxieneko akordioaren arabera, Kataluniako Gobernuak autodeterminazioa eta "errepresioaren amaiera" defendatzera joan behar du Sanchezen negoziazio mahaira. Baina CUPek eta ANCk "eszeptizismoa" agertu dute, eta JxCatek "zuhurtziaz" ekingo omen dio aldebiko elkarrizketari.
Torra buru izan duen bileran parte hartu dute Pere Aragones presidenteordeak, Meritxell Budo Presidentzia kontseilariak eta alderdi eta erakundeetako ordezkariek: Marta Vilalta eta Josep Maria Jove (ERC), Elsa Artadi eta Albert Batet (JxCat), Carles Riera eta Maria Rovira (CUP), Marcel Mauri eta Jordi Bosch (Omnium), eta Josep Cruanyes eta Aria Baye (ANC).
Batzarrean parte hartu du, bideokonferentziaz, Antoni Comin eurodiputatuak ere, Errepublikaren aldeko Kontseiluko ordezkari ezagunenak.
Bileran dokumenturik idatzi ez badute ere, Budok esan du Torrak alderdien eta erakundeen "babesa" jaso duela Sanchezen aurrean autodeterminazioa eta "errepresioaren amaiera" defendatzeko, parte-hartzaileen "adostasuna" jaso duten gaiak direlako.
Torraren eta Sanchezen arteko bilera "berehala" izanez gero, Generalitatearen presidenteak "independentismoaren aktore guztien adostasuna du autodeterminazioa eta errepresioaren amaiera aldarrikatzeko", Budok azaldu duenez.
Kontseilariak gaineratu du independentisten arteko elkarrizketei eutsiko dietela, eta datozen batzarretan gobernuen mahaiaren "edukiak", "baldintzak" eta "bermeak" adostu beharko dituztela.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.