Zaldibarko zabortegiko krisiagatik alderdien mahai bat osatzeko eskatu du EH Bilduk
EH Bilduko Maddalen Iriarte eta Mikel Otero legebiltzarkideek Zaldibarko zabortegiko luiziaren "erantzukizun politikoak garbitzea" eta "krisia behin betiko konpontzeko" alderdien mahai bat martxan jartzea eskatu die Iñigo Urkullu lehendakariari.
Herritarrek gertatutakoaren eta zabortegiaren egoeraren inguruko "informazio argia eta zehatza" jaso behar dutela adierazi du Iriartek.
Horri dagokionez, Urkulluk eta Gobernuko kideek aste honetan Legebiltzarrean emandako azalpenak ez dutela "egia guztia" azalerazi nabarmendu du.
Era berean, Lehendakariak ez duela erreskateko lehen orduetan emandako deskoordinazio handien azalpenik eman salatu du, Gobernuak "amiantoa zegoela jakin beharko baitzukeen", eta airearen kalitateaz emandako informazioa ilogikotzat eta eskastzat jo du.
Larrialdi eta krisi egoeretan, lehentasuna "herritarrak zaintzea eta babestea" izan behar dela gogorarazi du Maddalen Iriartek, bereziki osasun publikoa dagoenean jokoan.
Bere aldetik, Zaldibarko zereginen artean luizian desagertutako langileen gorpuen erreskatea, suteak eta hondakinen egonkortasuna kontrolatzea, lurraren, uraren eta airearen kutsaduraren jarraipen bat egitea eta informazio gehiago eta kutsatzaileen sakabanaketa mapak eskaintzea azpimarratu ditu Oterok.
Plan integrala
Gainera, azken gai horren eta ingurumenerako eta osasunerako epe luzeko ondorioen "plan integrala" garatu behar dela adierazi du Oterok, baita hondakinen kudeaketarako eta horiek nora eramango diren erabakitzeko antolakuntza "indartsu" bat ere.
Oteroren arabera, "plano teknikoan" larrialdiak kudeatzeko Legea bete behar da eta EAEko babes zibileko lurralde plana jarri behar da martxan. Horrek "erakunde batzuen, Aholku Batzordearen eta informazio kabinetearen sorrera" suposatzen du, eta, kasu honetan, "Gobernuaren irudiaren mesedetan" erabili dela salatu du.
Zure interesekoa izan daiteke
Kongresuak arma zuriei buruzko legedia gogortzeko PPren plana onartu du, zigor eta aldaketa gehiagorekin
Halaber, debekatutako armen katalogoa handitzea eta Internet bidezko salmentaren gaineko kontrola indartzea eskatu dute. Ekimenak aurrera egin du PPren, Voxen eta UPNren babesarekin.
Guardiola Extremadurako presidente izendatu dute, Voxekin politika publikoetan “lehentasun nazionala" izango dela adostuta
PPko buruzagiak Extremadurako Juntaren gidaritza eskuratu du PPren eta Voxen botoekin. Bi alderdien arteko akordioak laguntza publikoetan eta etxebizitza sozialean “lehentasun nazionala” izatea jasotzen du.
Marisol Iparragirreri erdi-askatasuneko erregimena ukatu dio epaileak
100.2 artikulua aplikatuta, joan den martxotik, lo egitera joaten zen espetxera, aste barruan eta asteburuetan. Erabaki horren ondorioz, espetxean gelditu beharko du. Iparragirreren abokatuak EITBri aurreratu dio helegitea aurkeztuko dutela.
Ubarretxena: "Euskarak akordioak behar ditu, ez du zarata behar"
Gobernantzako, Administrazio Digitaleko eta Autogobernuko sailburu eta Eusko Jaurlaritzaren bozeramaile Maria Ubarretxenak adierazi duenez, ez dute "ezer hautsitzat eman", eta EAJk eta PSE-EEk EAEko administrazio publikoan LEPetan euskararen segurtasun juridikoa indartzeko egiten dituzten elkarrizketek "jarraitzen dute" eta "oraindik badago tarterik" akordio bat lortzeko. "Azken momentura arte" itxaron behar dela aipatu du.
Marlaskak dio Korrikan presoen argazkiak erakustea legez ez dela delitua
Fernando Grande Marlaska Espainiako Gobernuko Barne ministroak esan du "nazkagarriak" iruditu zitzaizkiola azken Korrikan ikusitako hainbat irudi, besteak beste, ETAko preso baten argazkia soinean zeraman haurrarena. Azaldu du segurtasun indarrek adi jarraitzen dutela halako gertakarien aurrean, baina, legea eskuan, ekintza horiek ez direla delitua erantsi du. Senatuan egin ditu hitzok ministroak, UPNko Maria Caballerori, ETAk hil zuen Tomas Caballero Iruñeko zinegotzi izandakoaren alabari, erantzunez.
Insaustik Udalaren autonomia defendatu du, Donostiako Infernuko lursail batzuk Eusko Jaurlaritzari lagatzeari uko egin ostean
PSEk, EH Bilduk eta Elkarrekin Donostiak bi udal lurzati Eusko Jaurlaritzari lagatzea eskatu zuten, etxebizitza publikoak eraikitzeko, eta alokairuko etxebizitza babestuak eskaintzeko aukera galdu izana deitoratu dute.
Eneko Anduezak “oso zail” jo du EAJrekin akordioa lortzea lanpostu publikoetan euskara blindatzeko
PSEren buruak adierazi du “prest” daudela hitz egiteko, baina jeltzaleen proposamena zalantzan jarri du eta esan du “milaka herritarren eskubideen aurka” doala. Joseba Díez Antxustegik, EAJren bozeramaileak Eusko Legebiltzarrean, “albiste txarra” dela uste du, “bai herriarentzat, bai euskararentzat”.
Jose Antonio Agirre lehendakariaren Jaurlaritza omendu dute bere lehen egoitzan, Carlton hotelean
Imanol Pradales buru duen Gobernuak lehen Eusko Jaurlaritza omendu du, haren sorreraren 90. urteurrenean.
Sumarrek "iruzurra" egotzi dio Hezkuntzari 0-3 urteko plaza publikoak ez sortzeagatik, horretarako "Europako funtsak izan arren"
Sumarren legebiltzarkide Jon Hernandezek adierazi duenez, "252 plaza baino ez dira sortu, hau da, hitzartutakoaren % 16,6 besterik ez".
Barcenasek baieztatu du kartzelakide bati Rajoyrekin lotutako audioak suntsitzeko eskatu ziola
Luis Barcenas PPren diruzain ohiak berretsi egin du, Kitchen operazioa epaitzen ari den Auzitegi Nazionaleko auzitegian, kartzelakide bati "MRrekin, Mariano Rajoyrekin, lotutako audio batzuk suntsitzea" eskatu ziola.