Nafarroako Gobernua pandemiaren ondorioei aurre egiteko plana lantzen ari da
Maria Chivite Nafarroako Gobernuko presidenteak agerraldia egin du Parlamentuko batzordean koronabirusaren pandemiaren ondorioei aurre egiteko hartuko dituen neurri ekonomiko eta sozialen berri emateko.
Bilera hasi aurretik, minutu bateko isilunea egin dute talde parlamentarioetako bozeramaileek, COVID-19aren ondorioz Nafarroan hil diren pertsona guztien oroimenez.
Chivitek nolabaiteko baikortasuna agertu du, osasun agintariek emandako azken datuen harira; izan ere, kutsatutako nahiz ospitaleratutako pertsonen kopuruaren gorakada pixka bat moteldu egin dela eta senda-agiria jaso duten lagunen kopuruak gora egin duela erakutsi dute.
"Konfinamendua biguntzen hasteko fasera hurbiltzen ari gara, baina prozesu hori mailakatua eta adostutakoa izan beharko da, eta zuhurtzia eta zorroztasun handiz gauzatu beharko dugu", azpimarratu du Chivitek.
Gauzak horrela, Nafarroa berriro martxan jartzeko hainbat neurri ekonomiko eta sozialez osatutako plan bat lantzen ari direla iragarri du. Chivitek erantsi du egitasmo hori eragile politiko, ekonomiko eta sozialekin batera landu nahi dutela, baitan tokian tokiko eragileekin elkarlanean ere.
COVID-19a detektatzeko probei dagokienez, presidenteak esan du sintomak dauzkaten eta gaitza gainditu duten pertsona guztiei egitea dela Gobernuaren asmoa. Ildo horretan, gogora ekarri du testak adinezkoen egoitza guztietan egiten direla jada.
Talde parlamentarioetako ordezkarien galderei erantzunez, Chivitek aitortu du ezinezkoa dela koronabirusa antzemanetako probak Nafarroako herritar guztiei -600.000tik gora- egitea.
Horrez gain, adinekoen egoitzetan kasuak lehenbailehen antzemateko eta gaixorik dauden pertsonei jarraipena egiteko proiektu telematiko bat iragarri du. Erabiltzaileei gorputzaren tenperatura hartzen duen besoko bat jarriko diete eta horrela monitorizatuta egongo dira. Hasieran batean erresidentzia batzuetan soilik egingo dute, froga gisa.
Arlo ekonomikoan, Chivitek jakinarazi du 74 milioi euro bideratu dizkietela enpresei, berme eta maileguen bidez.
Nafarroan 6.595 aldi baterako lan-erregulazio espediente aurkeztu direla, plan horien eraginpean 55.486 langile daudela -% 83 zerbitzuen sektoran- eta guztiek ezohiko prestazioa jasoko dutela ziurtatu du.
Halaber, etxebizitzaren alokairua ordaintzeko laguntzak aipatu ditu.
Amaitzeko, herritarrei bere esker ona adierazi die, koronabirusaren pandemiaren aurrean "elkartasunez eta konpromisoz" erantzuteagatik.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.