EiTB Focus: EAJ eta PSE-EE indartuko lirateke eta gehiengo osoa lortuko lukete
Euzko Alderdi Jeltzaleak irabaziko lituzke Eusko Legebiltzarrerako uztailaren 12ko hauteskundeak, eta EH Bildu eta PSE-EE bigarren eta hirugarren indarrak izango lirateke, hurrenez hurren. Hogeita batgarren EiTB Focusen datuak dira. EiTB Taldeko makroinkestak EAEko hauteskundeei buruz galdetu die herritarrei oraingoan.
Iñigo Urkullu lehendakariak hauteskundeak deitu ondoren boto-asmoaren berri izateko egin den lehen inkesta da EiTB Focus hau. Hauteskundeak apirilaren 5ean ziren egitekoak, baina, COVID-19aren osasun-krisiaren ondorioz, bertan behera utzi zituzten.
EAJk berriro irabaziko lituzke hauteskundeak, eta hiru aulki gehiago lortuko lituzke. Urkulluren hautagaitzak 31 ordezkari bereganatuko lituzke Ganberan. PSE-EEk ere hiru ordezkari gehiago izango lituzke, eta, ondorioz, EAJren eta sozialisten arteko koalizioak gehiengo osoa bereganatuko luke. EH Bilduk ere egingo luke hobera, legebiltzarkide bat irabazita. Elkarrekin Podemosek nabarmen egingo luke behera, hiru ordezkari galduta. PPren eta Ciudadanosen arteko koalizioak behera egingo luke, lau legebiltzarkide galduta (bost aulki lortuko lituzke). Vox eta Equo Berdeak Legebiltzarretik kanpo geratuko lirateke.
Ezkerreko hiru alderdiek ere, alegia, EH Bilduk, PSE-EEk eta Elkarrekin Podemosek, gehiengo osoa lortuko lukete.
Lurraldeka, EAJ lehen indarra
Lurraldeka, Araban, EAJ izango litzateke indar bozkatuena, eta 9 ordezkari izango lituzke. EH Bildu bigarren kokatuko litzateke, bost aulkirekin, eta PSE-EE hirugarren postura pasatuko litzateke, bi legebiltzarkide gehiago erdietsita (guztira, bost izango lituzke). Elkarrekin Podemosek hiru ordezkari bereganatuko lituzke. PP+Cs koalizioak behera egingo luke: bi ordezkari galduta, hiru izango lituzke.
Bizkaian, EAJk 2016ko emaitzak sendotuko lituzke, legebiltzarkide bat gehiago irabazita (guztira, 12 izango lituzke). EH Bilduk duela lau urteko bost aulkiei eutsiko lieke, eta bigarren indar politikoa izango litzateke lurralde historiko honetan. PSE-EE, lau ordezkarirekin, hirugarren indarra izango litzateke, eta Elkarrekin Podemos, aulki bat galduta, laugarren tokira pasatuko litzateke. PP+Cs koalizioak aulki bat lortuko luke, bat galduta.
Gipuzkoan, EAJk legebiltzarkide bat gehiago eskuratuko luke, eta 10 lortuko lituzke. EH Bilduk ere egingo luke gora, ordezkari bat gehiago lortuta, guztira 9 aulkirekin. PSE-EEk, alegia, hirugarren indar politikoak, hiru ordezkarirekin jarraituko luke. Elkarrekin Podemosek bat galduko luke, eta bi erdietsiko lituzke. PP+Cs koalizioak, ordezkari bat galduta, bat lortuko luke.
Uztailaren 12ko hauteskundeetako parte-hartzea % 60koa izango litzateke; abstentzioaren datua duela lau urtekoaren parekoa izango litzateke.
2016ko hauteskundeetan, parte-hartzea oso antzekoa izan zen, U12rako EiTB Focusek aurreikusi duenarekin alderatuta.
Koronabirusaren kudeaketak ahuldu egin du Eusko Jaurlaritza, baina herritarrek ontzat jo dute kudeaketa hori. Espainiako Gobernuaren kudeaketak hobera egin du, herritarren iritziz: 5,56ko nota ematen diote, hau da, Jaurlaritzari baino hiru hamarren gutxiago.
Euskal herritarren % 60ren ustez, egokia da EAEko hauteskundeak uztailerako deitzea, osasun-baldintzak bermatuz gero.
Liderren balorazioari dagokionez, Iñigo Urkulluk eta Maddalen Iriartek gainditu dute, eta Idoia Mendia gertu dago; Miren Gorrotxategiri, Jose Ramon Becerrari eta Carlos Iturgaizi 'gutxiegi' jarri diete herritarrek.
Fitxa teknikoa
Gizaker enpresak EiTBko albistegientzat egindako inkesta EAEn bizi diren 1.200 pertsona galdekatuta egin da (400 Araban; 400 Bizkaian; 400 Gipuzkoan).
Laginaren errorea ±% 2,83 da, konfiantza-maila % 95ekoa, p=q=0´5, EAEko datuetarako.
Inkesten % 22,5 euskaraz egin dira, eta gainerako % 77,5a, gaztelaniaz. Inkesta egiteko hautatutako udalen populazio-tamainagatik haztatutako erabateko emaitzak dira.
Landa-lana 2020ko maiatzaren 21etik 23ra bitartean egin zuten, elkarrizketak telefonoz eginez. Galdeketen batez besteko iraupena 3,90 minutukoa izan da: motzenak 3 minutu iraun zuen, eta luzeenak, berriz, 12.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.