389 urteko zigorra Iurgi Garitagoitiari, hilketa saiakeraren 25 delitugatik
Auzitegi Nazionalak 389 urteko espetxe zigorra ezarri dio Iurgi Garitagoitia ETAko kideari, 2009ko urtarrilean Hernaniko telefonia hedagailu batean lehergailu bat eta inguruan, lehen eztandaren ostean agertuko ziren ertzainak jotzeko asmoz, bi bonba tranpa jartzeagatik.
Zigor arloko hirugarren atalak idatzitako ebazpenaren arabera, hilketa terroristaren 25 delitu egin ditu Garitagoitiak, saiakera mailan, eta kalte terroristak egiteagatik eta lehergailuak edukitzeagatik ere zigortu du; zigorraren gehiengo betetze maila 20 urtean ezarri dute.
Garitagoitia joan den astean epaitu zuten Auzitegi Nazionalean, Frantziak behin-behinekoz espainaratuta, bertan zigorra betetzen ari baita, ETAko kidea izanik gaizkide taldea osatzeagatik.
Epaimahaiak Fiskaltzak eskatutako zigorra berretsi du, eta frogatutzat jo du Garitagoitiak, Ezuste taldea osatzen zuela, lehergailuak prestatu eta jarri zituela, Joanes Larretxea Mendiola eta Manex Castro gertakari hauengatik aurretik epaitutako kideekin batera.
Lehergailuetako batek, Santa Barbara Hernaniko muinoko hedagailuaren ondoan jarritakoak, 2009ko urtarrilaren 16an goizaldeko ordu batean egin zuen eztanda, eta beste biak teknikariek indargabetu zituzten goizeko lehen orduetan.
Lehenengo lehergailuak ez bezala, bi bonba horiek metraila asko zeukaten; sastraka artean ezkutatuta zeuden, bidearen alde banatan, lotzen zituen haria mugitzean lehertzeko prest (dispositiboak ez zuen funtzionatu); batek, gainera, tenporizadore bat zuen konektatuta, 03:30ean leher zedin, baina konexio akats bat egon zen.
Epaiketan, Garitagoitiak aitortu zuen taldeak eskatutako lehergailuetako bat egin izana, eta hala frogatuta gelditu zen bere DNA arrastoak topatu baitzituzten lehertu ez ziren bi lehergailuetan, baina esan zuen taldeko beste kide bati eman zizkiola eta ez zekiela bonba tranpa gisa erabili behar zituztela.
Garitagoitia, beraz, hilketa saiakeraren 25 delitugatik zigortu dute, 2009ko gau hartan 25 pertsona bertaratu baitziren leherketa izan zen ingurura, ertzainak, teknikariak eta udaltzainak.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.