Jaurlaritzak eta Espainiako Gobernuak gaur itxiko dute hiru eskumenen transferentzia
Eusko Jaurlaritzak eta Espainiako Gobernuak gaur itxiko dute EAEri hiru eskumen eskualdatzea; farmazia-produktuei, eskola-aseguruaren osasun-prestazioei eta lan-erregulazioko espedienteek eragindako langileen erretiro arruntaren aurreko laguntzei buruzkoak.
Eskualdatzea, uztailaren 12ko hauteskunde autonomikoen kanpaina hasteko gutxi falta denean egingo dena, bi ordezkaritzek bideokonferentziaz egingo duten bilera baten bidez egingo da, 09:30ean, Carolina Darias Lurralde Politika eta Funtzio Publikoko ministroa eta Josu Erkoreka Eusko Jaurlaritzako bozeramaile eta Gobernantza Publiko eta Autogobernuko sailburua buru direla.
Gainera, Eusko Jaurlaritzaren aldetik, Pedro Azpiazu Ogasun eta Ekonomia sailburua, Cristina Uriarte Hezkuntza sailburua, Nekane Murga Osasun sailburua, Maria Jesus San Jose Lan eta Justizia sailburua, Sabino Torre Araubide Juridikoko sailburuordea eta Begoña Perez de Eulate Transferentzien Batzorde Mistoko idazkaria izango dira bileran.
Hiru eskumen horiek 7,5 milioi euroko zuzkidura ekonomikoa dute, eta Eusko Jaurlaritzak kopuru horren % 6,24 (468.000 euro) deskontatuko du Estatuak urtero eskualdatu gabeko eskumenengatik ordaintzen duen kupotik, Gobernu zentralak bere gain hartzen duena.
Eskualdatzea martxoan egitekoa zen, baina bi gobernuek otsailean hitzartutako eskualdaketen egutegia (lau faseko kronograma bat, egiteke zeuden 32 eskumenen transferentzia barne hartzen zuena) bertan behera geratu zen COVID-19ak eragindako osasun-krisiaren ondorioz.
Hitzorduan, egutegi hori eguneratzeaz hitz egingo dute, Erkorekaren esanetan, baina Iñigo Urkulluren gobernuak dagoeneko planteatu du eskualdaketen bigarren blokea irailean hastea.
Aurreikuspenen arabera, hauek jasoko lituzke: espetxeen kudeaketa, aseguruetako eskumenak, segurtasuneko zerbitzu pribatuak, meteorologia, nekazaritzako aseguruak, errepide bidezko garraioa, zinematografia babesteko funtsa, arrantzako produktuen eta itsas laboreen merkatuak, turismoko paradoreak, bibliografia identifikazioko kodeen kudeaketa, eta itsasertzaren antolamendua eta kudeaketa.
Gainera, 2021eko apirilean negoziatuko dira kreditu ofiziala, kreditua eta bankua, balore-merkatua, ikerketarako eta laguntza teknikorako zentroak, hidrokarburoak, itsas salbamendua, Estatuko sektore publikoa, administrazio instituzionala eta berrikuntza teknologikoa, eta aldiriko trenen eta FEVEren linea jakin batzuetako trenbide-garraioko funtzioak.
Hirugarren multzo horretan sartuko lirateke, halaber, aireportuen, interes orokorreko portuen, immigrazioaren, unibertsitate-irakaskuntzetako atzerriko titulu eta ikasketen, ibilgailuen zirkulazio- eta matrikulazio-baimenen, udal-hauteskundeen araubidearen, arrantza-ikuskaritzaren eta ikasketa-zentroen eta herri-lanen esperimentazioaren eskumenak.
Laugarren eta azken fasea datorren urteko irailerako utziko lukete, eta transferentziarik zail eta polemikoenetako batean zentratuko dira, Gernikako Estatutuan sartuta dagoen batean, Gizarte Segurantzaren kudeaketa ekonomikoa izango baita.
Zure interesekoa izan daiteke
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.
ZUZENEAN | Zupiriaren agerraldia Legebiltzarrean
Bingen Zupiria Segurtasun sailburuak agerraldia egingo du 12:00etan Eusko Legebiltzarreko Erakunde, Gobernantza Publiko eta Segurtasun Batzordean, larunbatean Global Sumud Flotillako sei kide iritsi zirenean Ertzaintzak Loiuko aireportuan izandako jokabideari buruzko azalpenak emateko.
Global Sumudeko kideen aurka Ertzaintzak izandako jokabidea salatu dute hainbat lagunek Legebiltzarraren atarian
Eusko Legebiltzarrean eguerdian Bingen Zupiria Segurtasun sailburuak Loiuko aireportuan ertzaintzak Global Sumudeko kideen aurka kargatu izanari buruzko azalpenak emango ditu. Hori baino lehen, goizeko 09:00etan hasita, Ertzaintzaren jokabidea gogor salatu Legebiltzar atarian 50 lagun inguruk. Ertzainez inguratuta ari dira egiten protesa Gasteizen; oso haserre daudela esan dute eta ertzaintza egin dute gertatu zen guztiaren errudun.
Gurutzetako batzokian Ertzaintzaren aurkako pintadak egin dituztela salatu du Bizkaiko EAJk
EAJk Gurutzeta auzoan, Barakaldon, duen egoitzan, pintadak agertu dira fatxadan, mezu iraingarriekin. Alderdiak gertatutakoa gaitzetsi du, eta egin dituztenak zein "beste aldera begiratzen dutenak" kritikatu ditu.