EH Bilduk estatus berri bat eskatu du, krisiari aurre egiteko tresnak edukitzeko
Maddalen Iriarte EH Bilduren lehendakarigaiak gogorarazi du koalizioak legealdi honetan estatus berri bat eskatzen jarraituko duela, COVID-19ak sortutako krisiari aurre egiteko tresnak lortzeko "oinarrizkoa" dela iritzita.
Koalizioko 21 legebiltzarkideak Legebiltzarrean akreditatu ostean egin ditu adierazpen horiek Iriartek, EAJkoek joan den ostiralean eta PSE-EEkoek ostegunean egin ostean. Bihar Elkarrekin Podemoseko eta PP+Cs-ko hautetsiak pasatuko dira erregistrotik, eta asteazkenean Vox alderdikoa.
EH Bilduko bozeramaileak ez du oraindik erabaki lehendakarigai izateko formalki aurkeztuko den ala ez. Krisi sanitario, ekonomiko eta sozial hirukoitzari aurre egin beharko zaiola ohartarazi du, eta koalizioaren erronka nagusia "betikoek ordaindu ez dezaten" irtenbideak bilatzen laguntzea izango dela azaldu du.
Hori lortzeko, estatus politiko berri bat lortu behar dela defendatu du, "krisi honi ahalik eta modurik onenean aurre egin ahal izateko, erabakitzeko tresna propioekin". Defizit muga aipatu du adibide gisa, eta argi utzi du horrelako auziak "Estatuarekiko harreman eredua aldatu ezean" ezinezkoa izango dela aurrera ateratzea.
Soldatak jaistea
Iriartek azaldu duenez, pandemiak "gogor jo du" eta "ez du autonomia erkidegoa baldintzarik onenetan harrapatu". Horrek argi utzi omen du "Urkulluren kudeaketa propaganda hutsa" zela.
Panorama horren aurrean, Eusko Jaurlaritzaren erantzuna kaleratzeak saihesteko soldatak murriztea proposatzea izan dela kritikatu du, Arantxa Tapia jarduneko Garapen Ekonomikorako sailburuari erreferentzia eginez.
"Hitz horiek alfonbra gorri bat dira" langileen lan baldintzak okertzeko, eta "murrizketetarako eremua prestatzea" dakarte, Iriartek salatu duenez; izan ere, EH Bilduk ezkerretik proposatzen duen alternatiba bat dagoela eta eragile sozial eta politikoen arteko "elkarlana" beharrezkoa dela azpimarratu du.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.