EAJ eta PSE-EEren Gobernuaren oinarriak ezartzear daudela baieztatu du Urkulluk
Iñigo Urkullu jarduneko lehendakariak azaldu du gobernu-akordio programatikoari azken ukituak ematen ari direla EAJk eta PSE-EEk dituzten negoziazioetan, eta orain berreraikuntza ekonomiko eta sozialaren eta osatze-emozionalaren etapa berri bati aurre egin beharko zaiola. Gainera, ziurtatu du Euskadik "autogobernu gaitasun" osoa behar duela herrialdea aurrera ateratzeko.
Irailaren 3an Eusko Legebiltzarrean egingo den inbestidura saioari buruz, Urkulluk adierazi du une honetan Jaurlaritzaren akordio programatikoaren oinarriak amaitzen ari direla, EAJk eta PSE-EEk dituzten negoziazioetan.
"Jarduera instituzional osoa berreskuratzeak eta etapa berri honi lehenbailehen ekiteak duten garrantzia partekatzen dugu. Osasun krisiak krisi ekonomiko eta sozial handia eragingo du, eta baita krisi emozionala ere", adierazi du.
Eragin ekonomikoari dagokionez, jardueraren galera eta horrek enpresetan, jarduera profesionaletan eta negozioetan duen eragina aipatu ditu. Arlo sozialari dagokionez, enpleguan izango duen eragina, kolektibo ahulen hazkundea eta familien beharrak izan ditu hizpide.
"Badakigu Euskadik adostasun eta akordio giroa beharko duela. Kultura instituzional eta politikoan sinesten dut, eta hori bultzatuko dut berriro lehen egunetik. Egoera oso zaila bizi dugu, mundu mailako ziurgabetasunean murgilduta gaude, eta hala izango da luzaroan", ohartarazi du.
Berreraikitze etapa
"Berreraikuntza ekonomiko eta sozialaren eta errekuperazio emozionalaren aro berri bat" hasiko dela ziurtatu du Urkulluk.
Jarduneko lehendakariaren ustez, Euskadik "autogobernurako gaitasuna" du eta, horregatik, bere ahalmen guztiak izatea "funtsezkoa izango da herrialdea aurrera ateratzeko".
"Zerbitzu publikoak sendotzea, gizarte politikak bermatzea eta ekonomia suspertzen laguntzea da gakoa, eta, horren ondorioz, enplegua berreskuratzea. Esperientzia eta gaitasun handiagoarekin, ardura eta ilusio handiarekin aurre egingo genieke erronka horiei", gaineratu du.
Zure interesekoa izan daiteke
EAJren "legatua" bere egin nahi dutenei mezua, Estebanek: "Ez da oinordetzan hartzen, defendatu nahi izan ez zena"
Ekitaldi politikoa egin dute jeltzaleek Bilbon, Sabino Aranak EAJ sortu zuela 131 urte bete direnean. "Atzo mespretxatu zituenak, gaur ez du haien txapela janzteko eskubiderik", esan du, zuzenean aipatu gabe, baina EH Bilduri erreferentzia eginez.
Arabako Aldundiak Manzanosko saihesbidea ireki du eta herriko trenbide-pasaguneko trafikoa kendu
Arabako ahaldun nagusi Ramiro Gonzalezek eta Mugikortasun Jasangarriaren eta Bide Azpiegituren Saileko foru diputatu Jon Nogalesek Manzanosko saihesbidea inauguratu dute astelehen honetan. Proiektuak 3,8 milioi euroko inbertsioa izan du, eta horri esker, Añanako kuadrillako herri hori zeharkatzen duen trenbide-pasaguneko ibilgailuen trafikoa itxi egin dute.
Villarejoren defentsak dio Kitchen operazioa legezkoa izan zela
Komisario ohiaren defentsak ukatu egin du sarearen helburua Barcenas PPren diruzain ohiari alderdiaren material konprometituta lapurtzea zela, eta Barcenasi berari egotzio dio auzia sortzea, "komunikabideei begira". Fiskaltzak 19 urteko kartzela-zigorra ezarri nahi dio komisario ohiari.
Espainiako Gobernuak etxebizitzaren dekretua onartzea irailera atzeratu du, babes nahikorik ez duelako
Astearte honetan Ministroen Kontseiluan onartzekoa zen testuak Sumar, PSOE, EAJ, Junts eta Podemosen proposamenak biltzen ditu; besteak beste, alokairu-kontratuak luzatzea, lurzoruaren legea erreformatzea, pizgarri fiskalak ezartzea eta etxegabetzeak etetea.
Sanchezek adierazi du "ordu zailak" datozela suteen kudeaketan
Pedro Sanchez Espainiako Gobernuko presidenteak Vall d'Uixon (Castello) piztutako sutea kontrolatzeko Aginte Postu Aurreratua bisitatu du. Aipaturiko sutearen ondorioz, 6.500 hektarea erre dira eta 16.000 pertsona baino gehiago ebakuatu dituzte. Horrez gain, Serra d'Espada inguruan 65.000 pertsona konfinatu dituzte.
Klima larrialdiari aurre egiteko estatu ituna "lehentasun nazionala" dela adierazi du Sanchezek
Espainiako gobernuburuak babesleku klimatikoen sarearen aurkezpenean adierazi duenez, alderdi politikoei eta eragile sozialei behin eta berriz eskatuko die klima larrialdiari aurre egiteko estatu itunera batu daitezela.
Pedro Sanchez: "Larrialdi klimatikoak hil egiten du"
Babesleku Klimatikoen Sarearen aurkezpenean, Espainiako Gobernuko presidenteak adierazi du "udak gero eta gogorragoak, suntsigarriagoak eta hilgarriagoak" direla.
Biktimen ondorengoek eta Otxandioko Udalak sarraskiaren aitortza eskatu dute
Duela 90 urte, frankisten altxamendua izan eta lau egunera, Otxandio bonbardatu zuten. Gaur, eraso faxista hark hildako 61 pertsonak gogoratu dituzte herrian, horietako asko haurrak. Biztanleria zibilaren aurkako lehen aire-erasoa izan zen gerra hartan.
Pradalesek Agirre lehendakariaren "arrastoari eta balioei jarraitzeko" deia egin du
Imanol Pradales lehendakariak Jose Antonio Agirre lehendakariaren "bideari jarraitzeko" deia egin du. Haren baloreak eta haren lantaldeak erakutsitako umiltasuna eta egiteko modua eredugarri jo ditu Pradalesek.
Duela 30 urte hil zuen ETAk Isidro Usabiaga, Ordizian
Usabiaga garabi enpresaren jabea oso ezaguna eta estimatua zen herrian. Enpresariak "iraultza zerga" ordaindu zuen, baina ETAk Poliziari laguntzea leporatu zion. Milaka bizilagun irten ziren kalera atentatua gaitzesteko eta Usabiagaren senideei elkartasuna adierazteko.