Lluis Companys oroitu dute naziek Espainiar Estatuaren esku utzi zuten zubian
Lluis Companys Generalitateko presidente ohia oroitu dute Irungo (Gipuzkoa) Etorbidearen zubian, naziek frankisten esku utzi zuten lekuan, 80. urteurrenean.
1940ko abuztuaren 29an, Gestapok Companys eman zion Espainiar Estatuari. Kataluniako herritarrek demokratikoki hautatutako Generalitatearen presidentea zen Companys, eta erbestean bizi zen. Alemania naziak Frantziar Estatuaren erdia zuen okupatuta garai horretan, tartean Hendaia (Lapurdi), eta urtebete lehenago Espainiako Gerra Zibila irabazi zuten frankisten esku utzi zuen Polizia sekretuak Companys. Handik gutxira, Espainiar Estatuak fusilatu egin zuten.
Naziek frankistei Companys eman zuten lekuan, Irun eta Hendaia lotzen duten Etorbidearen zubian, Gipuzkoaren eta Lapurdiren arteko mugan, egin dute Kepa Ordoki Memoria Historikoa Bidasoan elkarteak antolatutako ekitaldia.
Companysen argazki handi bat jarri dute Frantziar eta Espainiar estatuen arteko muga ere baden zubian, ikurrina baten eta Kataluniako bandera baten erdian.
Txalaparta jo eta Amets Arzallusen bertsoen ostean, Shole Aguirre elkarteko ordezkariak esan du Companys faxismoak fusilatu duen demokrazia bateko gobernuburu bakarra dela, "eta puntu horretara heltzeko Etorbidearen zubia eta Bidasoa ibaia gurutzatzera behartu zuten".
Peli Lekuona ordezkariak zubiaren garrantzia azpimarratu du, "1936ko errefuxiatuak batu zituelako". "Nork esango zuen 36an ihes egiteko erabili zen zubi honetara Lluis Companys iheslari horien babeslea itzuliko zela", gehitu du, eta eskerrak eman dizkio 1936ko Generalitateari errefuxiatuei emandako laguntzagatik.
Elkarteak "ematea egin ahal izateko beharrezkoa izan zen eskualdeko bizilagunen kolaborazioa" salatu du. "Euren eskuak Companysen odolarekin daude zikinduta, eta oroimena atzean izango dute beti", esan dute.
Iragarri dutenez, frankismoak Katalunian epaitutako Bidasoa inguruko 42 herritarren erreparazio juridikoa eskatuko dio Generalitateari elkarteak. Horietako lau, Companys bezala, Bartzelonan fusilatu zituzten.
Parte hartzaileen artean Gipuzkoako Foru Aldundiko Giza Eskubideen zuzendari Jon Gamboa eta EH Bilduko batzarkide Estitxu Elduaien izan dira, baita Kataluniako Duintasunaren aldeko Batzordeko kideak ere.
Gutun bat Espainiako Gobernuari
Duintasunaren aldeko Batzordeak gutun bat helarazi dio Margarita Robles Espainiako Defentsa ministroari, fusilatzearen 80. urteurrenean, Gobernuak ekintza hori "onar" dezan.
Komunikatu batean, Companys fusilatu zutela eta Katalunian gerra kontseiluetan 66.000 auzitik gora instruitu zirela onartzeko eskatu diote Exekutiboari.
"Kataluniako presidentearen erreparazioa eskatzen dugu, epai horrekin zigortu zituzten Kataluniako instituzioak eta herria erreparatzeko modu bezala", esan dute.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.