EAJk "batasuna, elkarrizketa eta akordioa" eskatu ditu, ez "pankarta eta istilua"
Andoni Ortuzar EBBko presidenteak “batasuna, elkarrizketa eta akordioa” eskatu ditu COVID-19ak eragindako krisiari aurre egiteko, “pankarta eta liskarra” beharrean. “Grebak eta aldarrikapenak baino gehiago, berrespenak egiteko garaia bizitzen ari gara”, defendatu du.
Mezu politikoa zabaldu du EBBk igande honetan, COVID-19 pandemiaren ondorioz Alderdi Eguna bertan behera utzi behar izan eta gero. Forondako (Araba) zelaietan, Andoni Ortuzar presidente jeltzaleak osasun egoera gogora ekarri du EBBko burukideen aurrean.
Zentzu horretan, egoera horretatik ateratzeko “batasuna eta erantzukizuna” beharrezkoak direla esan du Ortuzarrek, “herri sen eta gizartearekin konpromiso pertsonala” agertzeko. “Aurrenak erantzukizun politikoak eta erakundeetan kargudunak garenak izan behar gara, baina baita sindikatuak, erakunde ekonomikoak eta komunikabideak ere”, adierazi du.
EAJko buruzagiaren hitzetan, “ezinegon soziala liskar giro artifizial bat sortzeko erabiltzea ez litzateke arduratsua, ezta abertzalea ere”. “Batasuna, elkarrizketa eta akordioa behar ditugu, pankarta eta liskarra beharrean. Grebak eta aldarrikapenak baino gehiago, berrespenak egiteko garaian bizi gara”, azpimarratu du. “Kalitatezko zerbitzu publikoak eraikitzeko eta edozein eraso edo mehatxuren aurrean euskal autogobernua ezkutu babes bezala berresteko konpromisoa behar dugu”, erantsi du jeltzaleak.
Horretarako, eragile sozial eta politiko guztiei eskua luzatu die, “susperraldira eramango gaituen ezkutua” lantzeko. EAJk Kontzertu Ekonomikoaren Batzorde mistoan “euskal erakundeentzako gaitasun ekonomiko nahikoa adosteko” lan egingo duela iragarri du Ortuzarrek.
“Krisiari aurre egiteko euskal aurrekonturik onenak egin eta Estatuko aurrekontu orokorrak borondate onenarekin negoziatuko ditugu, bide onetik joateko. Alderdikeriaren gainetik, herritarren beharrizan premiazkoenak jarriko ditugu”, gaineratu du. “Erakunde guztiek aurrekontuak” izan behar dituztela uste du. “EAJ horretan murgilduta egongo da beti”, nabarmendu du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.