Yolanda Diaz: "Lasai nago Pablo Iglesiasen errugabetasunari dagokionez"
Yolanda Diaz Espainiako Gobernuko Lan ministroa Radio Euskadin izan da ostegun honetan Pablo Iglesiasen presidenteordearen aferari buruz jarduteko. Horren harira, Diazek ziurtatu du harrituta dagoela Justiziak izandako jokabidearekin.
Pedro Sanchez presidentea ere Iglesiasen alde agertu zen atzo, Villarejo auziaz arduratzen den Manuel Garcia-Castellon epaileak Espainiako presidenteordea ikertzeko egindako eskariaren ondotik. Hain zuzen ere, hainbat deliturengatik ikertzeko galdegin zuen Garcia-Castellonek; besteak beste, Dina auzian salaketa faltsu bat jarri ote zuen jakiteko.
Diazen arabera, "gogorregia izaten ari da Iglesias eta haren familia bizitzen ari direna". Ildo horretan, adierazi du azkenaldian albistegietan lerroburu izan diren Podemosen aurkako kereila guztiak artxibatu egin dituztela, eta espetxean bukatu duten politikarien ustelkeria kasuak ekarri ditu gogora. "Ez diot inori opa Pablo Iglesias bizitzen ari dena", esan du.
Ekonomia
Gaur bertan Mondragon Korporazio Kooperatiboaren instalazioak bisitatuko ditu Yolanda Diazek. Asteazkenean, berriz, lehendakariarekin eta Lan sailburuarekin bildu zen. Gauzak horrela eta ekonomia sozialarekin lotutako ekimenak hizpide, Diazek baieztatu du "harro" dagoela hartutako neurrietako batzuekin, eta nabarmendu du Euskal Herrira egindako bisitan ahal duen guztia ikastea gustatuko litzaiokeela.
Lan gatazka, Euskadin
Diazek argi utzi du elkarrizketa soziala dela bide bakarra. Haren hitzetan, Espainiako Gobernuak aurrera eraman duen eredua europarra da, alegia, "barne malgutasunean oinarritutako politikak ardatz dituen eredu bat da".
Horrela, gogora ekarri du Rajoyren Gobernuak 26 puntu murriztu zuela langabeziagatik jasotzen den gizarte-prestazioa. "Egoera berreraikitzen gabiltza. Egindako aldaketak luzaroan geratzea nahi dugu. Lan Ministerioak ez du utziko sistema erortzea", azpimarratu du.
Horregatik, mahai gainean jarri ditu aldi baterako lan erregulazioen ondorioak jasan dituzten pertsonen kasuak. Guztira, 662.000 langilerengan izan dute eragina enplegu erregulazioek.
"Elkarrizketa Sozialerako Mahaian aztertuko dugu Euskadiko lan harremanei buruzko agertokia", gaineratu du.
Enpresen deslokalizazioa
Bukatzeko, beharginak kanporatzen hasi diren enpresen egoeraz mintzatu da. Enpresariei eskatu die kontuan hartzea "ezohiko egoera bizi dugula", eta horrekin lotuta esan du enpresa batek deslokalizazioaz hitz egiten duenean kostuak merkatzea soilik bilatzen duela.
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".