Alarma-egoera maiatza arte luzatuko da, eta Sanchezek azalpenak emango ditu bi hilero
Koronabirusagatik ezarritako alarma-egoera 2021eko maiatzaren 9a arte luzatzeko botoak bermatuta dauzka Espainiako Gobernuak, baina babes horien truke Pedro Sanchezek pandemiaren bilakaerari buruzko azalpenak eman beharko ditu bi hilabetero Kongresuan.
Alderdi Sozialista talde parlamentarioekin negoziatzen aritu da egunotan eta azkenean ERCren proposamena onartuko du.
Adriana Lastra talde sozialistaren bozeramaileak aukera ezberdinak izan ditu mahai gainean: Sanchezek azalpenak bi astean behin ematea nahi zuen Alderdi Popularrak; Ciudadanosek, Mas Paisek eta Compromisek, hilean behin; eta ERCk, bi hilean behin. EH Bilduk eta JxCatek ERCrekin bat egin dute.
PSOEk eta Unidas Podemosek ERCren proposamena onartuko dute osteguneko bozketan. Horrela, bada, alarma-egoeraren luzapena sei hilabetekoa izango da eta Sanchezek bi hilabetero joan beharko du Kongresura pandemiari aurre egiteko neurrien eraginkortasunaz azalpenak ematera.
PPk aurreratu du abstenitu egingo dela ostegun honetako bozketan eta iragarri du Europako Kontseilura joko duela PSOEren eta Unidas Podemosen koalizio-gobernuak "botereen arteko banaketa urratzen" ari direla salatzeko.
Kongresuko azalpenak Salvador Illa Osasun ministroak eman zitzala nahi zuen Espainiako Gobernuak, baina oposizioko talde guztiek baztertu zuten aukera hori.
Testuinguru horretan, eta gehiengoaren babesik gabe geratzeko arriskuaz jabetuta, PSOE Sanchezen inbestidura ahalbidetu zuten taldeekin negoziatzen hasi zen, Espainiako Gobernuko presidentearen agerraldiak nolakoak izan behar ziren adostu nahian.
Sanchezek bi hilabetero emango ditu azalpenak. Pandemiaren lehen olatuan, martxoa eta ekaina bitartean indarrean izan alarma-egoeran, bi astean behin joan zen Kongresura.
Zure interesekoa izan daiteke
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.