Frantziako Fiskaltzak Iratxe Sorzabalen aurkako euroagindua errefusatzea eskatu du
Frantziako Fiskaltzak Iratxe Sorzabalen aurkako euroagindua atzera botatzeko eskatu du. Donostiako Justizia Jauregiaren aurka egindako atentatu batengatik eskatzen dute Sorzabal Espainiaratzea, baina Fiskaltzak uste du Espainiako justiziak aurkeztutako frogak "biziatuta" daudela, tortura salaketak tarteko.
Parisko Apelazio Auzitegiko instrukzio aretoko fiskalak esan du "zentzuzkoa dela zalantzak" egotea froga horien inguruan, 2001ean Guardia Zibilak torturatu egin zuela salatu zuelako Sorzabalek.
Sorzabalek adierazi zuen torturapean aitortu zuela atentatuan parte hartu izana. 15 eta 20 urte arteko zigorra eska dezakete eraso harengatik, kalte terroristak egotzita.
Espainiako Auzitegi Nazionalak Frantziako Fiskaltzari azaldu zion ETAko kideak tortura salaketa egin behar zuela, baina ez zuela izapide horren bestelako berririk. Era berean, Auzitegi Nazionalak Fiskaltza frantsesari gogorarazi zion Sorzabal zigortzeko beste froga bat ere badagoela, ETAren etxebizitza batean 2002an aurkitutako eskuizkribu bat hain zuzen ere.
Fiskalaren arabera, hala ere, eskuizkribu horren froga izaera "biziatuta" dago, zeren bertan ETAko kideak 2001ean jasan zituen tratu txarrak aipatzen zituen, eta deklarazioa torturapean egin zuela.
Defentsari dagokionez, Xantiana Cachenaut abokatuak eskertu egin du Ministerio Publikoaren "analisia", eta "ezinbesteko" jo du instrukzio aretoak gaia Europar Batasuneko Justizia Auzitegira bidaltzea, eskuizkribuak etorkizunean ez dezan balio Espainian beste delitu batzuk leporatzeko.
Instrukzio aretoak abenduaren 16an eman beharko du ebazpena.
Sorzabal 2015ean atxilotu zuten Ipar Euskal Herrian, eta 2023ra arteko zigorra betetzen ari da Frantziako Estatuan.
Zure interesekoa izan daiteke
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo" politikoaren gaineko mozioa onartu du, eta eskatu dio Sanchezi ustelkeriagatik "ardura hartzeko"
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.