'Celaa Legea' onartu dute Kongresuan, ERC, EAJ eta Mas Paisen babesarekin
Espainiako Gobernuaren hezkuntza erreforma onartu dute arratsalde honetan Kongresuan, PSOE, Unidas Podemos, ERC, EAJ eta Mas Paisen babesarekin.
Kontra bozkatu dute PPk, Ciudadanosek, Coalicion Canariak, CUPek, PCRk eta UPNk. EH Bildu, JxCat, BNG eta Teruel Existe abstenitu egin dira. Celaa Legearen tramitazioak Senatuan jarraituko du orain.
Testu berriaren arabera, gaztelerak ikastetxeetan komunikazio-hizkuntza izateari utziko dio eta aurrerantzean Estatuko gainerako hizkuntzak ere komunikazio-hizkuntza izango dira. Aldaketa horrek eskuineko taldeak haserrarazi ditu eta Alderdi Popularrak, Ciudadanosek eta Voxek dagoeneko iragarri dute Auzitegi Konstituzionalera joko dutela lege horren aurka.
Beste hainbat aldaketa ere ekarriko ditu Espainiako Gobernuaren erreformak, besteak beste, ondoko hauek: 0 eta 3 urte arteko haur-eskoletan plaza gehiago esleituko dituzte; erlijioa ez da kontuan hartuko bataz besteko nota ezartzerakoan; itunpeko ikastetxeetan galarazita egongo da neskak eta mutilak bereiztea; salbuespen kasuetan soilik errepikatuko da ikasturtea; eta batxilergoan laugarren eredu bat ezarriko dute, orokorragoa.
Kongresuko Hezkuntza Batzordean 600 zuzenketa baino gehiago baztertu zituzten, eta gaurko saioan horietako bat bakarrik onartu dute, Mas Paisek eta Compromisek aurkeztutakoa, hain zuzen ere. Balore Etikoen irakasgaian kultura fiskala ematea eskatu dute. PSOEk, Unidas Podemosek, ERCk eta JxCatek proposamena babestu dute.
Euskara, katalanera eta galizieraren mesedetan gaztelerak ikastetxeetan komunikazio-hizkuntza izateari utziko diola eta, oposizioko talde askok gogor kritikatu dute Espainiako Gobernuaren egitasmoa. Eskuineko alderdiek esan dute "eskubideak murrizten" eta independentismoari indarra ematen ari direla.
Itunpeko ikastetxeen harira ere eztabaida sutsua izan da. Eskuineko taldeen kritiken aurrean, ezkerreko alderdiek ukatu egin dute Celaa Legeak eredu horren kontra egiten duenik.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.