ETAko beste bost preso gerturatuko dituzte, eta hirugarren gradua emango diote bati
Espetxe Zuzendaritzak ETArekin lotutako bost preso Euskal Herrira gerturatzea eta seigarren bati hirugarren gradua ematea eta Donostiara eramatea erabaki du.
Erabakiak Andaluziako bi presori (Euskal Herritik urrunen daudenak), Extremadurako beste bati, Salamancako bati, eta Galiziako beste bati eragiten die, Espetxe Zuzendaritzako iturrietatik jakinarazi dutenez.
Espainiako Gobernuan Pedro Sanchez dagoenetik gaur arte, 110 dira lekualdatu dituzten ETAko presoak, Espainiako Estatuan dauden 197etatik. Horietatik 12 hirugarren graduari esker lekualdatu dituzte.
Egoitz Coto Etxeandia Granadan dago preso, eta Kantabriako El Duesora eramango dute. 2002ko azaroaren 26an sartu zuten preso, eta 2017ko azaroan bete zituen zigorraren hiru laurdenak.
Algecirasetik (Cadiz) Leonera eramango dute Angel Maria Lopez Anta. 2010eko otsailaren 18tik dago preso eta 2024ko abenduan beteko ditu zigorraren hiru laurdenak.
Aitor Olaizola Baseta Caceresko presondegitik Palentziako La Moralejara eramango dute. 2001eko martxoaren 30ean sartu zuten preso, eta 2023an beteko ditu zigorraren hiru laurdenak.
Zigor Bravo Saez de Urabainek Teixeiroko (A Coruña) espetxea utzi eta Burgoskoan beteko du zigorra, eta 2006ko abuztuaren 11n sartu zutenez, 2027ko abuztuan beteko ditu zigorraren hiru laurdenak.
Salamancako Topas espetxetik atera eta Burgoskora eramango dute Gregorio Vicario Setien, eta 2006ko apirilaren 5etik preso dagoenez, 2036ko urtarrilean beteko ditu zigorraren hiru laurdenak.
Espetxe Zuzendaritzak, bestalde, hirugarren gradua eman dio Emilio Salaberria Etxebesteri. El Duesoko tratamendu batzordearen proposamena bete eta Martutenera eramango dute zigorra amaitzera.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.