Josetxo Arizkuren ETAko presoa ospitaleratu behar izan dute
Josetxo Arizkuren Ruiz Kantauri ETAko presoak arazo kardiologikoa izan du igande honetan Murtziako kartzelan, eta ospitaleratu behar izan dute, espetxeetako iturriek baieztatu dutenez.
Lehendabizi, Murtziako espetxeko arduradun medikoak ETAko buruzagi historikoa artatu du, baina ospitalera bidali du azterketa sakonagoa egiteko.
Presoa kirola egiten ari zen, eta ondoezik sentitu da, ondorioz, espetxeko zerbitzu medikoak esku hartu behar izan du, iturriek erantsi dutenez.
Espetxe Zuzendaritzak Kantauri Euskal Herritik gertuago dagoen espetxe batera hurbiltzea onartu zuen orain dela gutxi.
Iragan ostegunean, hain zuzen ere, Murtzia II kartzelatik Logroñora eramateko baimena eman zuen Espetxe Zuzendaritzak.
ETAko buruzagi militar bezala, Arizkuren Fernando Mugica Herzog edo Alberto Jimenez Becerril eta Ascension Garcia senar-emazteen hilketagatik zigortu zuten, baita Kosme Delclauxen bahiketagatik ere.
Kantauri 2001eko abenduaren 17an espetxeratu zuten, eta 30 urteko zigorra betetzen ari da hilketa, atentatua, bahiketa, armak gordetzea, legez kanpoko atxiloketa eta agiriak faltsutzeagatik. Zigorraren hiru laurdenak 2025eko ekainean beteko ditu.
Kartzela aldaketaren berri eman zutenean, Arizkurenek "espetxe legedia onartu du, eta indarkeriari uko egin dio, eta biktimei eragindako kaltea deitoratu eta erantzukizuna bere gain hartu du", azaldu zuen Espetxe Zuzendaritzak. Murtzia II Kartzelako Zigor Batzordeak proposatuta, bigarren gradura pasatzea eta Logroñora lekualdatzea erabaki zuen Espetxe Zuzendaritzak.
Zure interesekoa izan daiteke
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo" politikoaren gaineko mozioa onartu du, eta eskatu dio Sanchezi ustelkeriagatik "ardura hartzeko"
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.