EH Bilduk eta ERCk ultraeskuina geratzeko eta eskubideak lortzeko batu dute indarra
Arnaldo Otegi EH Bilduren buruak eta Marta Vilalta ERCren bozeramaileak azaldu dute "ultraeskuinari galga" jartzeko, "eskubideak irabazteko" eta "“Estatuaren lurralde arazoari eta erabakitzeko eskubideari irtenbide bat emateko beharra mahai gainean jartzeko" babestuko dituztela Estatuko aurrekontu orokorrak.
Otegik eta Vilaltak prentsaurreko telematiko bateratua eman dute aurrekontuei emango dieten babesa azaltzeko, eta azpimarratu dute aurrekontuen eztabaida "testuinguru zailean" gertatzen ari dela.
EH Bilduren koordinatzaile nagusiak uste du "egoera sozial eta ekonomikoaren zailtasuna, egoera politikoa, eta Estatuan autoritarismora itzultzeko benetako arriskua, nahikoa arrazoi" direla kontu publikoetan "aldeko botoa emateko".
"ERCk eta EH Bilduk autoritarismoaren agenda gelditu nahi dugu, eta eskubideak lortu gure herrientzat eta langileentzat", adierazi du Otegik, eztabaidagaia Estatuak "datozen hilabete eta urteetan" izango duen "norabide politikoa" dela azpimarratu aurretik.
Gogorarazi dute bi alderdiek 18 diputatu eta 13 senatari dituztela, eta horiei esker, "mahai gainean" jarriko dutela "Estatuaren lurraldetasun arazoari irtenbidea emateko beharra, nazioaniztasunean eta herrien erabakitzeko eskubidean oinarrituta".
Bestalde, ERCk zerga harmonizazioan urratsak egiteko egin duen proposamena izan du hizpide Otegik, eta ukatu egin du kontzertu ekonomikoarekin zerikusia duenik, "Madrilgo zerga 'dumping-a'"z eta "justizia ekonomikoaz eta sozialaz" eztabaidatzea duelako helburu.
Vilaltak, bere aldetik, adierazi du herritarrek EH Bilduri eta ERCri hauteskundeetan emandako babesak "esperantza" sortzen duela, "herriei askatasuna" emateko eta "faxismoa gelditzeko".
ERCren bozeramaileak "herritarren egunerokoa hobetzeko euskal eta kataluniar errepubliketara bidean pausoak ematearen alde aurrerapausoak" ematearen aldeko apustua egin du, eta berretsi du helburu horiek nahitaez "elkarrekin" joan behar direla.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.