EH Bilduk osoko zuzenketa eta 36 zuzenketa partzial aurkeztu dizkie aurrekontuei
Maddalen Iriarte EH Bilduk Legebiltzarrean duen bozeramaileak atzo iragarri bezala, koalizio abertzaleak osoko zuzenketa aurkeztu die 2021eko EAEko aurrekontuei. Horrez gain, 36 zuzenketa partzial eta legearen artikulatuari eginiko beste zazpi ere erregistratu ditu. Horien bidez, 429 milioi euroko aldaketak sustatu nahi ditu koalizio subiranistak, ohar batean nabarmendu duenez.
Iriarte bera, Nerea Kortajarena legebiltzarkidearekin batera, joan da Legebiltzarrera zuzenketok erregistratzera.
Osasun sistema indartzeko 140 milioi erabiltzea proposatu du EH Bilduk, Jaurlaritzak "erreserban" utzitako dirutzatik hartuta.
Koalizioaren arabera, "egoera larri honetan ez du inolako zentzurik eskura ditugun baliabide guztiak ez erabiltzea. Osasun sistema itota dago, baliabide falta bistakoa delako".
Halaber, Hezkuntza sendotzeko 50 milioi bideratzea planteatu du; 14 milioi, Gizarte Zerbitzuen Sistema indartzeko; 200 milioi euro, pandemiaren eta krisiaren ondorioak gehien pairatzen ari diren sektoreak Erreskatatzeko Plana osatzeko; bost milioi, argindarraren prezioaren igoera arintzeko eta 20 milioi, gazteria laguntzeko eta gazteen kontratazioa sustatzeko planerako, gazte langabezia tasa % 42koa baita.
Inbertsioak ahalbideratzeko, koalizio abertzaleak lau finantzazio iturri aipatu ditu. Batetik, aurrekontuetan sartuta baina "printzipioz ez erabiltzeko" Eusko Jaurlaritzak erreserbatu dituen 140 milioiak erabiltzea proposatu du. Bigarrenik, aurrekontuen soberakinetatik hartutako 200 milioi euroak Erreskate Plana finantzatzeko erabiliko lituzkete.
Era berean, azpiegitura handiak, hala nola, Donostiako metroa, finantzatzeko partidak erabili beharko liratekeela uste du EH Bilduk, "obra horiek orain ez direlako ez beharrezkoak, ez premiazkoak". Azkenik, SHESA desagertzea eskatu du, uste baitu energia arloan inbertsio publiko guztia energia berriztagarrietara eraman behar dela.
Albiste gehiago politika
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.