Estrasburgok Espainia zigortu du Iñigo Gonzalezen tortura salaketa ez ikertzeagatik
Estrasburgon egoitza duen Giza Eskubideen Europako Auzitegiak Espainia zigortu du, hirugarren aldiz, euskal preso baten tortura salaketak ez ikertzeagatik. Oraingo honetan, Iñigo Gonzalez 2011n Guardia Zibilak atxilotutako nafarraren kasua aztertu du Auzitegiak, eta Espainiak Europako Hitzarmeneko 3. artikulua urratu zuela ebatzi du. Hala, 20.000 euroko kalte-ordaina eman beharko dio Gonzalezi, eragindako kalte moralagatik.
Gonzalezekin batera atxilotu zituzten Patxi Arratibelen eta Xabier Beortegiren kasuetan ere berdin ebatzi zuen Estrasburgok. Kasu honetan, baina, bada ezberdintasun aipagarri bat: Gonzalezen salaketa ikertzeko agindua eman behar zuen epailea Espainiako Gobernuko Barne ministroa, alegia, Fernando Grande-Marlaska zen —aurreko bi ebazpenetan Grande-Marlaskak ez zuen kargu hori—.
Gaur emandako epaian, Auzitegiak aho batez ebatzi du Giza Eskubideen Europako Hitzarmeneko 3. artikulua urratu zuela Espainiak. Horren arabera, "inor ezin da torturatu, ezta zigor edo tratu anker edo umiliagarria eman ere".
Auzitegiak ondorioztatu duenez, salatzailearen kexuen aurrean "ikerketa sakon eta eraginkorraren falta" izan zen, aitortu badu ere Madrilgo Lurralde Auzitegiak birritan eskatu ziola instrukzio epaileari prozedura berriz zabaltzea.
Auzitegiaren ustez, Gonzalezek "unean unean eta modu zehatzean kontatu zituen jasan zituen tratu txarrak" eta uste du "gertakari larri horien aurrean, Estatuak ikerketa sakon" bat abiatu behar zuela.
Erantsi du Auzitegi Nazionaleko 3. zenbakiko instrukzio epaitegiak ez ziela erantzun gertatutakoa ikertzeko eskatuz "senitartekoek helarazitako galdeei", eta ez zuela ikerketarik agindu.
"Tortura ekintza bat egon dela esateko arrazoizko susmoak daudenean, eskumena duten aginteei dagokie ofizioz eta luza gabe ikerketa inpartzial bat hastea", ebatzi du Estrasburgoko auzitegiak.
Gonzalez 2011n atxilotu zuen Guardia Zibilak beste bost lagunekin batera. Seiei Ekineko kide izatea egotzi zieten, eta bostek torturak salatu zituzten. Auzitegi Nazionalak bi urteko kartzela zigorra ezarri zien bost auzipeturi, talde armatuko kide zirelakoan. Dena dela, ez ziren kartzelan sartu "indarkeriari uko eginda" Fiskaltzarekin akordioa lortu baitzuten.
Zure interesekoa izan daiteke
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Eneko Andueza PSE-EEko idazkari nagusiak adierazi du EAJk "liskar artifiziala" sortu duela Aitor Estebanen inguruan adimen artifizialarekin sortutako irudiaren inguruan, lan eskaintza publikoetan euskararen inguruko akordioa alde batera utzi zuela estaltzeko.
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.
Josu Aztiria (EH Bildu): "EAJk ez digu proposamenik aurkeztu; gainera, abstentzio akritikoa nahi dute, eta ez dugu ulertzen"
EH Bilduren legebiltzarkidea Euskadi Irratian izan da, besteak beste, Euskal Enplegu Publikoaren Legeari buruz hitz egiteko. EAJren planteamendua "ez da serioa", haren ustez. "Atzo, negoziaziorik gabe, jakin genuen abstenitu gaitezela eskatzen dutela. Guk duela hilabete pasatu genien gure proposamena, eta ez dugu erantzunik izan", azpimarratu du.