Etxeratzeko agindua aurreratzeko "beharra" berretsi dio Urkulluk Sanchezi
Pandemiari aurre egiteko "autonomia erkidegoen erabakimena handitzea beharrezkoa" dela helarazi dio Iñigo Urkullu lehendakariak Pedro Sanchez Espainiako Gobernuko presidenteari, eta "etxeratzeko agindua 20:00etara aurreratu ahal izatea" eskatu dio.
Gaur arratsaldean egindako bilera batean, "bi gobernuentzat lehentasunezkoak diren gaiak konpontzeko borondate politiko argiarekin", Eusko Jaurlaritzak jakinarazi du "pandemiaren egoeraren eta datozen hilabeteetako aurreikuspenaren inguruko analisia partekatu" dutela.
Horren harira, erkidegoen erabakitzeko "gaitasuna handitzea" eskatu dio, "pandemiaren aurka modu eraginkorragoan borroka egiteko eta erabakien judizializazioa eragozteko".
Salvador Illa Osasun ministro espainiarrak aurreko astean aurreratu zuen, Lurralde Arteko Kontseiluan, etxeratzeko agindua aurreratzearen kontra dagoela, baina lehendakariak berretsi egin du "etxeratzeko agindua 20:00etara aurreratu ahal izatea beharrezkoa" dela, "Europako beste herrialde batzuetan egin duten moduan".
Gainera, lehendakariak batzarra aprobetxatu du Sanchezi "Euskadi Next" dokumentua emateko, Eusko Jaurlaritza pandemiak eragindako krisiaren aurrean Europako funtsekin egin nahiko lituzkeen inbertsioak zeintzuk diren azaltzeko.
Bestalde, Gernikako Estatua betetzearen inguruan, Eusko Jaurlaritzak jakinarazi du gaur "lehenengo konpromiso bat" hartu dutela martxoan "premiazko lehenengo eskumenak" emateko: Bizitzeko Gutxieneko Diru-sarrera; espetxeen kudeaketa, errepideetako garraioa, ISSN-ISBNa, eta Kostaren Ordena eta Kudeaketa.
Abenduaren 30ean espetxeen kudeaketa Euskadiri lagatzeko "bultzada garrantzitsua" iragarri zuten bi gobernuek. Eskumenaren transferentzia martxoan gauzatzea espero dute bi Exekutiboek, beste hamaika eskumenekin batera.
Pandemiak eragindako geldialdiren ostean, Sanchezen Gobernuak egutegi eguneratua aurkeztu zuen transferentziak aurrera eramateko. 30 eskuduntza agertzen dira egutegi horretan, baina Gizarte Segurantzako erregimen ekonomikoaren kudeaketa ez dago horien artean.
"Akordioak eta adostasunak dira nagusi"
Idoia Mendia PSE-EEren idazkari nagusi eta lehendakariordeak batzarraren ostean azpimarratu duenez, "akordioak eta adostasunak dira nagusi", eta desadostasunak "instituzioen arteko errespetutik" jorratzen dira.
Idoia Mendiak txalotu egin du batzarraren giroa, "beharrezkoa" delako arduradun publiko guztientzat.
Buruzagi sozialista eta Jaurlaritzako agintariak esan du autogobernua osatzeko eta eskumenak emateko egindako pausoak "albiste ona" direla PSE-EErentzat. "Ez da kasualitatea aurrerapausoak Alderdi Sozialista Espainiako Gobernuan eta Eusko Jaurlaritzan daudenean gertatzea", aipatu du.
Bestalde, PSE-EEren Batzorde Exekutiboak gaur arratsaldeko bileraren ostean azpimarratu du covid-19aren pandemiak gobernukidetasunaren eta erakundeen elkarlanaren aldeko konpromiso "irmoa" eskatzen duela.
Zure interesekoa izan daiteke
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-kontseilariek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatzen du, greba-batzordearen eta Ministerioaren arteko elkarrizketa errazteko eta greba desblokeatzeko
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.