Ayerdik Gorenaren jakinarazpena jaso ostean emango du dimisioa, Chiviteren arabera
Maria Chivite Nafarroako Gobernuko presidenteak esan du Manu Ayerdi Ekonomia Garapenerako kontseilariak oraindik ez duela Auzitegi Gorenaren jakinarazpenik jaso eta erantsi du ziur dagoela notifikazioa iristen zaionean dimisioa emango duela.
Aurreko legealdian Davalor enpresari emandako diru-laguntzengatik dago ikerketapean Ayerdi. Prebarikazio delituak egin zituela eta diru publikoa bidegabe erabili zuela uste dute.
"Ayerdi jaunak esana du auzipetzen baldin badute, dimisioa emango duela", gogoratu du Chivitek auzi horri buruz galdetu diotenean. Oraingoz, Gorenaren jakinarazpenik jaso ez duela berretsi du eta ziur agertu da hori gertatzen den egunean dimititu egingo duela.
"Inork ez dezala zalantzarik izan: ni presidente moduan eta Gobernuak bere osotasunean legea betetzen dugu eta legea betearazten dugu", erantsi du. Hala, Ayerdik dimisiorik emango ez balu, neurriak hartuko lituzkeela agindu du.
Oraingoz, baina, Ayerdik "bere ardura guztiei eusten die eta lanean jarraitzen du", gaineratu du.
Navarra Sumak Chiviteren jarrera kritikatu du
Ordu batzuk geroago, kontrol saioa egin dute Nafarroako Parlamentuan, eta Navarra Sumak Chivite kritikatzeko baliatu du. Gainerako taldeek, berriz, eskuinak auzi hori interes politikoen arabera erabiltzen ari dela salatu dute.
Javier Esparza Navarra Sumako bozeramaileak esan du Ayerdiren errugabetasun printzipioa aitortzen duela eta berak ez duela kontrakorik inoiz esan. "Epaileak dira auzi horretan kriminalitate zantzuak topatu dituztenak", azpimarratu du.
"Chivitek Ayerdi jauna karguan mantentzea erabaki du, berme juridikorik izan gabe eta hori prebarikazio delitua izan daiteke", ohartarazi du.
Ramon Alzorriz PSNko bozeramaileak "independentzia judiziala" errespetatzeko deia egin du eta Esparzak dagoeneko "epaia eman" duela salatu du.
Uxue Barkosek (Geroa Bai) esan du legeak ezarritako baldintzak betetzen direnean Ayerdik dimisioa emango duela eta, beraz, Chivitek ez duela inolako kargugabetzerik gauzatu beharko erantsi du.
Adolfo Araiz EH Bilduko bozeramaileak adierazi du Nafarroako Gobernuak auzi honetan egiten ari den interpretazioa "zuzena" dela, "gustatu ala ez".
Podemoseko Mikel Builek esan du "legea guztiontzat berdina" dela eta Gobernuak "zuhurtziaz" jokatu behar duela, kontseilariaren eskubideak errespetatuz. Gai honekin Navarra Sumak helburu politikoak bilatu nahi dituela kritikatu du.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.