Otsailaren 14ko hauteskundeetako mahaikideentzako osasun-neurriak
Udalek euren zitazioen berri eman diete Kataluniako hauteskunde-mahaietako 75.000tik gora kideri, Instrukzioen Eskuliburuarekin batera. Gidaliburu horrek covid-19aren aurkako zenbait osasun-neurri aurreikusten ditu, hala nola maskarak, betaurrekoak eta babes-arropak erabiltzea.
Generalitateak prestatutako eskuliburuaren arabera, mahaiko kideei 4 maskara emango zaizkie, egunean zehar aldatzen joateko, baita aurpegiko pantaila bat, FFP2 maskara bat eta zenbaketaren unean erabiltzeko eskularruak. Gel hidroalkoholikoa ere izango dute, "egunean zehar maiz erabiltzeko", eta gainera, euren artean 1,5 metroko tartea utzi beharko dute.
Bozketaren azken ordurako utzi dute berrogeialdian dauden pertsonen boto-ematea. Orduan, mahaietako kideek segurtasun handiko norbera babesteko ekipamendu integralak (NBE) erabili beharko dituzte.
"18:40etik 19:00etara jarri beharko dizkiete txandaka, eta beti bi kide geratuko dira hautetsontziaren zaintzan, hauteskunde-prozesuarekin jarraitzeko", dio Generalitateak egindako eskuliburuak. Ekipoa behar bezala nola jarri eta nola atera azaltzen duen eskuliburu bat ere emango zaie.
Egunaren hasieran, hauteskunde-mahaietako kideei tenperatura hartuko zaie; 37,5 ºC-tik beherakoa izan beharko du, antitermikorik hartu gabe. Tenperatura altuagoa badute, larrialdietara joan beharko dute azterketa bat egiteko eta dagokion txosten medikoa jasotzeko.
Oso zehatz azaltzen ez badu ere, eskuliburuak dio "hala badagokio eta testa erabiltzeko baldintzek posible egiten badute, antigenoen test bat egingo zaie mahaiko kideei eta akreditatutako beste langile batzuei (Administrazioko ordezkariak, segurtasun-arduradunak, kontu-hartzaileak, etab.) mahai gisa eratu aurretik".
Halaber, mahaietako kideek boto-emaileen identifikazio-agiria "inolaz ere ez" dutela ukituko zehazten da, eta, gauzak erazte aldera, "erretiluak" erabiltzea baimenduko dute, ahalik eta hurbilen egiaztatu ahal izateko.
Maskakararen erabilera derrigorrezkoa izango da boto-emaileentzako, mahaiko kideek, identifikatzeko arazoak medio, horretara derrigortzen ez baditu.
Eeskuak gel hidroalkoholikoarekin garbitzeko guneak ezarriko dira mahai eta kabinetan, boto-paperekin eta gutun-azalekin batera; eskularruak emango zaizkie gel desinfektatzaile horri alergia diotenei, eta mahaiak eta bestelako ukipen-puntuak garbituko dira, "osasun-agintaritzaren irizpide teknikoek zehazten duten maiztasunarekin".
Bozketa-mahaiak elkarren artean bi metroko distantziara jarriko dira gutxienez, haien artean zirkulatzea eragotziko da eta "une oro" desinfektatuko dira.
Bozkalekuetan langileak egongo dira boto-emaileen sarrera-irteera ordenatua antolatzeko eta segurtasun-distantziak bermatzeko.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.