Mikel Irujo izango da Ekonomiaren Garapenerako kontseilaria, Ayerdiren ordez
Mikel Irujo, orain arte Nafarroako Gobernuko Kanpo Ekintzako zuzendaria izan dena, izango da Ekonomiaren Garapenerako kontseilari berria, Manu Ayerdiren ordez, Euskadi Irratiak jakin ahal izan duenez.
Auzitegi Gorenak duela astebete jakinarazi zuen Ayerdiri diligentziak zabaldu zizkiola, Davalor auziaren baitan, prebarikazioa eta diru publikoa bidegabe erabiltzea egotzita. Gorenaren jakinarazpena jaso bezain laster dimisioa aurkeztuko zuela adierazi zuen Geroa Baiko buruzagiak, eta ordu edo egun eskaseko kontua izango denez, haren ordezkoa aukeratu du Geroa Baik (gobernu akordioari dagokionez, alderdi horri dagokio Kontseilaritza horren arduraduna proposatzea): Mikel Irujo Europako Zuzenbidean doktorea EHUn eta Zuzenbidean lizentziaduna Nafarroako Unibertsitatean. Caracasen (Venezuela) jaioa 1972an, euskal hiztuna da, eta ingelesez eta frantsesez ere badaki.
Irujok eskarmentua du Nafarroako Gobernuaren baitan. 2015-19ko legealdian, Foru Gobernuaren Bruselako ordezkaria izan zen, eta 2016 eta 2019 urteen bitartean, Nafarroa ordezkatu zuen Europar Batasuneko Eskualdeetako Lantaldean. Chiviteren gobernuaren baitan, Kanpo Ekintzarako zuzendari nagusi izan da.
Ibilbide profesionala Aranzadi argitaletxean hasi zuen, analista juridiko gisa. Ondoren, Bruselara joan zen Europako Parlamentuan aholkulari lanak egitera. Politikan 2007an murgildu zen, EAko diputatua izan baitzen bi urtez Europako Parlamentuan.
Nafarroako Justizia Auzitegi Nagusiaren jakinarazpena
Bitartean, Nafarroako Justizia Auzitegi Nagusiak bere eskubideen berri eman dio gaur Manu Ayerdiri, joan den astean Auzitegi Gorenak argitaratutako autoan aipatzen zen puntuetako bat beteta, EFE agentziak zabaldu duenez. Beraz, beste urratsa bat eman dute Ayerdi ikerketapean jartzeko prozeduran.
Auzitegi Gorenak duela hilabete inguru abiatu zuen Davalor konpainiari emandako diru-laguntzei buruzko ikerketa. UPNk ekainean jarritako kereilaren arabera, enpresa horrek 2.600.000 euro jaso zituen 2015 eta 2017 urteen artean.
Auto hartan, instrukzio epaileak Ayerdiren kontrako aurretiazko izapideak abiatzeko erabaki zuen eta hala jakinarazi zion defentsarako eskubidea gauzatzeko aukera izan dezan.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.