Covid-19ak eta abstentzioaren mehatxuak baldintzatutako hauteskundeak Katalunian
5.624.044 herritarrek botoa emateko eskubidea dute Kataluniako hauteskundeetan, 69 hautagaitzen artean Parlamentuko 135 ordezkariak aukeratzeko. Ezohiko hauteskundeak izango dira, koronabirus pandemiak baldintzatuta. Parte-hartze oso txikia izatea espero da, iragarri ezin diren ondorioekin.
Generalitateko datuen arabera, 2017ko abenduaren 21ean baino % 1,25 boto-emaile gehiago izango dira. Hauteskunde erroldako 5.368.881 pertsona Katalunian bizi dira, eta 255 163 atzerrian.
Pandemiaren aurrean, posta bidezko botoa sustatu dute Governak eta alderdiek. Botoa modu telematikoan eskatzeko eta boza Correoseko langile bati zuzenean entregatzeko aukera eman dute, etxetik ateratzeko beharrik gabe.
Horrela, posta bidezko boto eskaerek goia jo dute Kataluniako hauteskundeetan. 284 706 eskakizun egin dituzte, erroldaren % 5,30, azken bozetan baino % 350 gehiago.
2015ean 107 421 eskaera egin zituzten, eta horrek marka hautsi zuen. Aurten 84 476 pertsonak posta bidezko botoa modu telematikoan eskatu dute, eta 200 230ek presentzialean.
Nahiz eta posta bidezko boto kopurua handia izan, biztanleriaren gehiengoa hauteslekuetara joango da igandean. Kutsatzeak saihesteko segurtasun protokoloek eta ordu-tarteek markatuko dute bozketa.
Zentzu horretan, Bernat Sole Kanpo Ekintza, harreman Instituzional eta Gardentasun kontseilariak ziurtatu duenez, "herri honetako hautesleku denetan mahai guztiak osatzea posible izango da".
2763 hautesleku
Igandean 2763 hautesleku egongo dira zabalik –2017an baino 83 gehiago--, eta desberdinak izango dira: hezkuntza zentroak ez diren tokiei lehentasuna eman diete, dentsitate txikia ahalbidetzeko (gutxienez 2,5 metro karratu pertsona bakoitzeko), hala nola, pabiloiak eta leku zabalak, eta osasun zentroetan edo adinekoen egoitzetan ez da hauteslekurik antolatu.
Generalitateak onartutako protokoloaren arabera, hauteslekuetan aireztatzea etengabe bermaturik egon beharko da, baita mi metroko distantzia mahaien artean ere, eta 1,5 metrokoa mahaiko kideen artean, boto-emaileen artean, eta boto-emaile eta mahaien artean, eta osasun segurtasuneko arduradunak egongo dira, neurriak betetzen direla egiaztatzeko.
Ilarak Bartzelonan PCR proba egiteko, hauteskunde bezperan. Argazkia: EFE
Pertsona guztiek une oro maskara jantzita eraman beharko dute, eta hauteslekuak garbitu eta desinfektatuko dituzte egunean zehar.
Gainera, aire librean edo kalean tokiak prestatuko dituzte, hautesleku barruan ahalik eta jende gutxien pilatzeko; ondorioz, litekeena da botoa emateko ilarak sortzea. Horregatik, ilarak antolatzeko modua zehazten du protokoloak.
Hautesleku barruan norabide bakarreko zirkuituak ezarriko dituzte, pertsonak gurutzatzea saihesteko, botoa eman behar duen pertsona soilik sartuko da bozketa zentroan, laguntza behar duten herritarrak salbu, eta irteerak eta sarrerak independenteak izango dira.
Hiru ordu-tarte
Kutsatze arriskua murrizteko, Governak hiru ordu-tarte ezarri ditu botoa ematera joateko, nahiz eta derrigorrezkoak ez izan: 9:00etatik 12:00etara arriskuko kolektiboak; 12:00etatik 19:00etara koarentenan ez dauden gainerako herritarrak, eta 19:00etatik 20:00tara kutsatuak, harreman estuak eta susmagarriak. Azken horiek konfinamendua hausteko baimena izango dute, dagokien ziurtagiria eramanda.
Azken ordu-tarte horretan mahaietako kideek norbera babesteko ekipamenduak jantziko dituzte. Gainerako ordu-tarteetan eskularruak, maskarak, betaurrekoak eta babesteko arropak emango dizkiete.
9139 mahai osatzea espero da –2017an 8247 izan ziren--: 6694 Bartzelonan, 853 Gironan, 566 Lleidan eta 1026 Tarragonan. Mahaiak osatzeko 82 251 pertsona deitu dituzte, horietatik 27 417 titular eta 54 834 ordezko.
Azken egunetan hauteskunde mahaietara ez joateko aurkeztu den alegazio eta helegite kopuru handiak polemika sortu du Katalunian; izan ere, deitutako 82 251 pertsonetatik gutxienez 35 637k errekurtsoa aurkeztu dute.
Hala ere, Bernat Sole Kanpo Ekintzako kontseilariak ostiralean ziurtatu zuenez, mahaien bi herenek hiru titularrak eta sei ordezko baieztaturik dituzte, eta mahaien % 99,9k osatzeko gutxieneko kideak. Horregatik, hauteskundeetako emaitzak igandean bertan argitaratu ahal izatea espero du. Mahai asko osatu gabe geratzekotan, emaitzak ez argitaratzeko aukera planteatu zuen Governak.
Mahaiak osatzea bermatzeko, dagoeneko osatu den mahai bateko ordezkoak beste hautesleku batzuetara lekualdatzea aurreikusi dute. Horregatik, pertsona horiek 10:00etara itxaron beharko dute, ohi baino ordubete gehiago.
Zure interesekoa izan daiteke
Zaldibarko EH Bilduk babes osoa agertu dio Arantza Baigorri alkate ohiari, eta "inpartzialtasuna" eskatu du
EH Bilduren esanetan, "lurralde antolamenduarekin lotutako auzi honek ez du zabortegiaren amiltzearekin zerikusirik". Horren ustez, "amiltzearekin lotzeko saiakerek desitxuratzea dute helburu eta erabat lekuz kanpo daude".
Andueza "espainolistatzat" jo du Arrizabalagak, Pasaiako portuaren aferagatik EAJk eta PSEk duten sesioan
PSE-EEko idazkari nagusiak joan zen ostiralean adierazi zuenez, "EAJk Pasaiako portua lehiaketako elitetik atera nahi du, hiruzpalau maila azpitik joka dezan".
San Sebastian egunean ETAko bi preso ohiri egindako "ongietorria" salatu du Covitek
Terrorismoaren biktimen elkartearen arabera, 2022tik izan den lehen ongietorri publikoa da.
Sanchezek nabarmendu du "pentsioak bai ala bai igoko" direla, "PPren babesarekin edo babesik gabe"
Exekutiboak gaur arratsaldean ekingo die berriro talde parlamentarioekin elkarrizketei, Kongresuak 'omnibus dekretua' bertan behera utzi eta egun batzuetara.
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.