Maribel Vilaplanak lekuko gisa deklaratuko du gaur, sendagiria jaso ostean
Bitartean, gero eta jende gehiago hitz egiten ari da Mazonen balizko dimisio bati buruz eta Vicente Mompo haren ordezko gisa aukeratzeari buruz.
Maribel Vilaplana kazetariak Valentziako goi-geruzetako depresio isolatuaren kudeaketa aztertzen ari den auzian deklaratuko du gaur, larunbatean ondoezik jarri eta gero ospitaleratuta izan ostean.
Larunbatean Levante-EMV egunkariak argitaratu duen informazioaren arabera, 2024ko urriaren 29an (Valentzian 229 pertsona hil zituen ekaitz tragikoa izan zen egunean) Carlos Mazon Generalitateko presidentearekin bazkaltzen ari zenean, Utielen izandako uholdeei buruzko bideo bat erakutsi zion Valentziako presidenteari.
Komunikabide horren esanetan, 2024ko urriaren 29ko 17:37 eta 17:40 bitartean, Mazonek Salome Pradas Barne kontseilari ohiarekin hitz egin zuen, eta Maribel Vilaplanak Utielen egoeraren berri islatzen zuen bideo bat erakutsi zion.
Europa Pressek kazetariaren inguruko iturriak aipatuta zabaldu duenez, egun hartan A Punt Valentziako telebista publikoaren sare sozialetako mezu bat iritsi zitzaion WhatsApp bidez, Utielen ibaiak gainezka egin ostean.
Iturri berberen esanetan, Vilaplanak ez zion albistearen "garrantziari neurria hartu" eta ez zion bideoaren edukia erakutsi Mazoni
Vicente Mompo, Mazonen ordezkoa
Valentziako Erkidegoko Alderdi Popularrak alderdiaren zuzendaritza nagusiari jakinarazi dio Vicente Mompo babestuko duela Generalitateko presidente izateko hautagai gisa, Carlos Mazonen balizko dimisioaren aurrean eta hurrengo hauteskundeetako begira.
Azken berrien arabera, Valentziako herri-buruzagien arteko barne-eztabaida baten ondoren hartu da erabakia.
Goi-geruzetako depresio isolatuaren kudeaketari buruzko azken datuek egoera zailean utzi dute PP. Horrenbestez, popularren zuzendaritzak erabakiak hartu behar izan ditu.
Bilera horretan hautatu dute Vicente Jose Mompo Aledo Valentziako Diputazioko presidentea Mazon ordezkatzeko; izan ere, Mazonek "hausnartzen" ari dela esan zuen GOIDIaren urteurrenean biktimak omentzeko ekitaldia egin ostean.
Zure interesekoa izan daiteke
Albiste izango dira: Eusko Legebiltzarreko Politika Orokorreko Osoko Bilkura, lehen izarrak iritsi dira Zinemaldira eta euskararen erabilerari buruzko dekretua baliogabetu egin dute
Politika orokorreko eztabaidak emango dio hasiera Legebiltzarrean hauteskunde giroko urte politikoari
Lehen sektoreak euri eskasiari aurre egiteko neurriak eskatu ditu Jaurlaritzak Madrilen
Ceutako portuan migratzaileentzako prestatzen ari diren kanpalekua geldiarazi du Auzitegi Nazionalak
EH Bilduk, ELAk eta LABek euskararen normalizazioaren aurkako oldarraldi judiziala salatu dute
Henri Paroti ezarritako hirugarren gradua errekurritu du Fiskaltzak, “goizegi” dela argudiatuta
Nafarroako Gobernuak berriro lizitatuko ditu Belateko tunelen lanak
Lehendakaria agintaldiko politika orokorreko bigarren eztabaida prestatzen ibili da alderdikideekin
Espainiako Estatuaren egoera politikoa aztertu dute EH Bilduk eta ERCk Bilbon, aldebiko bilera batean
