Polizien arteko koordinazioa sustatzea adostu dute Erkorekak eta Grande-Marlaskak
Segurtasun Batzordearen bilera egiteko izapideak abiatzea adostu dute gaur Fernando Grande-Marlaska Espainiako Barne ministroak eta Josu Erkoreka Eusko Jaurlaritzako Segurtasun sailburu eta lehen lehendakariordeak. Batzordea 2017ko uztailean bildu zen azkenekoz, eta Ertzaintzaren eta Estatuko Segurtasun Indarren arteko koordinazioa bultzatzea du helburu.
Bi buruzagiak Gasteizen elkartu dira goizean bien eskumen-esparruko gai sektorial komunak aztertzeko. Besteak beste, laster egitekoa espetxe-erakundeen transferentziaz hitz egin dute. Espainiako Gobernuko Lurralde Politikako Ministerioko eta Jaurlaritzako Gobernantza Publiko eta Autogobernu Saileko lantaldeek "oso aurreratuta" duten eskualdatzea.
Bi gobernuek adostutako kronogramaren arabera, Langraiz, Basauri eta Martuteneko kartzelen kudeaketa martxoan egon beharko luke Euskadiren esku, baina gaurkoan behintzat, ezein aldek ez du zehaztu nahi izan transferentzia egiteko datarik edo xehetasunik.
Barne Ministerioak eta Segurtasun Sailak ohar banatan nabarmen dutenez, bileran "giro lasaia eta guztiz adeitsua" gailendu da, eta, "edukiei dagokienez, bilera emankorra" izan da.
Segurtasun Batzordea
Arestian aipatu bezala, Segurtasun Batzordearen bilera egiteko dagozkion lanak aktibatzea erabaki dute Erkorekak eta Grande-Marlaskak. Bien ustez, bilera "beharrezkoa" da "Ertzaintzaren eta Estatuko segurtasun indar eta kidegoen arteko koordinaziorako eta segurtasunaren arloko erronka berriak elkarrekin aztertzeko".
Era berean, sailburuak eta ministroak pandemia hasi zenetik poliziok egindako lana "aitortu, zoriondu eta eskertu" diote elkarri. "Agenteek egiten duten lana, ematen duten zerbitzu publikoa, balioetsi dute, pandemiaren lehenengo egunetik ari direla-eta herritarren osasuna eta segurtasuna zaintzen, oinarrizko zerbitzuak eta ondasunak, osasun-materialaren hornidura eta azpiegitura kritikoen funtzionamendua bermatuz", azpimarratu dute oharretan.
Erkorekarekin bildu baino lehen, Grande-Marlaskak Terrorismoaren Biktimak oroitzeko zentroa bisitatu, eta bilera egin du bertako zuzendaritza taldearekin.
Zure interesekoa izan daiteke
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek "diskriminazioak" iragarri ditu "parte hartu nahi ez duten" sindikatuentzako partaidetzari buruzko euskal legean
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, haien parte-hartzea "derrigorrezkoa" izan dadin.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatu zuten lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.
Enplegu Publikoaren Legea eztabaidatzeko epea bi aste luzatzea onartu du Eusko Legebiltzarreko Mahaiak
EAJk eskatu du epea luzatzea, negoziaziorako "denbora gehiago behar" duela eta. Jeltzaleek esan dutenez, akordio "errealista" bilatuko du, batzuen "maximalismoaren" eta besteen "immobilismoaren" aurrean. EH Bilduk, berriz, dio borondatea dela behar dela, ez denbora.
Sanchez, Begoña Gomezen auzipetzeari buruz: "Ziur nago, denborak jarriko du bakoitza dagokion tokian"
Begoña Gomez emaztea akusatuen aulkian eserita ikusiko ote duen galdetuta, Justiziari "justizia egiteko" eskatu dio Pedro Sanchez Espainiako gobernuburuak.
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.
Kitchen auziko polizia-ikerketaren buruak esan du Barne Ministerioak Barcenasi kontrol "sakona" egin ziola, espetxean zela
Ministerio Fiskalak egindako galderei erantzunez, ikerketa polizialaren arduradunak azaldu du ikerketak argi utzi zuela Villarejok bi pertsonari ematen ziela auziari buruzko aurrerapausoen eta albisteen berri: Eugenio Pino zuzendari laguntzaile operatiboari eta "batez ere" Estatu idazkari ohi Francisco Martinezi.