Urkullu: "Biktimak subjektu aktiboak zarete bizikidetzaren eraikuntzan"
Iñigo Urkullu lehendakariak adierazi du terrorismoaren eta giza-eskubideen urraketaren biktima guztiek egia jakiteko eskubide osoa dutela, salbuespenik gabe, eta berretsi egin du ezinbestekoa dela biktimagileek "eragindako mina injustua" izan zela aitortzea.
Terrorismoaren Biktimen Partaidetzarako Euskal Kontseiluak biktimen aitortzan eta errekonozimenduan urratsak ematen segitzeko dokumentu bat landu du eta gaur goizean helarazi diote Urkulluri, Lehendakaritzan egindako ekitaldi batean.
Bihar, Terrorismoaren Biktimen Europako Eguna ospatzen dela eta, Urkulluk adierazpen instituzionala egin du aipatu kontseiluko kideekin bildu ostean.
Lehendakariak esker ona adierazi die foro horretan parte hartzen duten elkarteei, hiru urtetan "lan handia, isila eta eraginkorra" egin dutela iritzita.
"Txosten hori ez da egun batetik bestera egin. Hiru urte luzeez egindako hausnarketaren eta eztabaidaren ondorioa da. Eta biktimei zuzendutako politika publikoak hobetzen lagunduko digu", erantsi du.
Urkulluk azpimarratu du terrorismoaren biktimek bizikidetza eta adiskidetasuna lortzeko "beste behin borondate eraikitzailea" erakutsi dutela.
"Borondate hori jasandako sufrimenduaren ondorioa da. Hau ez zen inoiz gertatu behar eta ezin da berriro gertatu", adierazi du.
"Biktimak bizikidetza eraikitzeko subjektu aktiboak zarete. Ez zarete iragana, oraina eta etorkizuna ere bazarete", gaineratu du.
Biktima guztien aitortza
Bestalde, lehendakariak biktima guztiak izan ditu gogoan. ETAk hainbat hamarkadatan erabilitako indarkeria "bizitzaren aurkako erasorik larriena" izan dela esan du.
Halaber, GAL, BVE edo GAE bezalako erakunde terroristek eragindako biktimak ekarri ditu gogora, eta talde horien atentatuak ez zirela ikertu ere egin kritikatu.
Ildo berean, "nazioarteko terrorismo mota berriek" eragindako biktimak ere aipatu ditu, baita giza-eskubideen urraketak jasan dituztena pertsona guztiak ere.
"Biktima guztiek, maila berean jarri gabe, salbuespenik gabe, egia jakiteko eskubide osoa dute. Biktima guztiek behar dute memoria, aitortza, erreparazioa eta justizia", nabarmendu du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.