Terrorismoaren Biktimen Oroimenerako Zentroa inauguratu dute Gasteizen
Gaur eguerdian inauguratu dute Gasteizen Terrorismoaren Biktimen Oroimenerako Zentroa, terrorismoaren biktimak gogoratzeko eta memoria kolektiboa eraikitzea sustatzeko egoitza. Bihartik aurrera egongo da zabalik publikoarentzat.
Iñigo Urkullu lehendakaria, Felipe VI.a eta Letizia Espainiako errege-erreginak, Pedro Sanchez Espainiako Gobernuko presidentea eta Florencio Dominguez Biktimen Oroimenerako Zentroko zuzendaria izan dira bertan.
Zentroko zuzendariak azaldu duenez, biktimen memoria "terrorismoaren deslegitimazio etiko, sozial eta politikorako funtsezkoa" da eta "ezin da indarkeriaren aurrean neutrala eta parekidea izan".
Horren ustez, "terrorismoari justifikazio edo aitorpen oro kentzen lagundu behar dio. Horrela, neurri eraginkorra izango da etorkizunean norbaitek berriro indarkeria erabiltzea saihesteko", esan du Dominguezek inaugurazio ekitaldian.
Zentroa Euskadin irekitzeko arrazoiak ere azaldu ditu: "ETAren terrorismoak Espainiako azken urteetako historian izan duen garrantziagatik, eta biktima gehien, kalte pertsonal gehien eta eragin politiko handiena izan duelako".
Dozenaka pertsona elkartu dira ekitaldiaren aurretik Espainiako banderak eskuan zituztela, eta erregea goraipatu eta Grande-Marlaskaren dimisioa eskatu dute, oihu artean.
Iñigo Urkullu lehendakariak sare sozialetan adierazi duenez, zentro honek bat egiten du "bizikidetza bidezkoa, baketsua eta inklusiboa sendotzeko helburu partekatuarekin".
"Hainbat hamarkadatan terrorismoa, bidegabeko kaltea eta mina jasan ondoren, beste urrats bat eman dugu pertsona ororen duintasuna eta giza eskubideak errespetatzeko, sustatzeko eta defendatzeko zereginean. Hau da partekatzen dugun xedea eta ibilbidea", erantsi du.
Protestak
Agintariak iritsi baino minutu batzuk lehenago, berriz, 300 bat pertsona bildu dira inguruan, Memoriala "diskriminatzailea" dela salatzeko, Poliziaren edo Estatuaren indarkeriaren "milaka biktima" baztertzen dituela argudiatuz.
Hego Euskal Herriko biktimen 15 elkarte biltzen dituen Memoria Osoa sareak deitutako protestan, manifestariek bandera errepublikanoak zituzten eskuetan, eta monarkiaren aurkako oihuak egin dituzte. Gainera, memoria integral baten aldeko eta biktimen arteko "diskriminazioa"ren aurkako leloak babestu dituzte.
Espainiako Bankuak Gasteizko Olagibel kalean duen egoitza zaharra, hamarkada bat baino gehiago itxita eman ostean, guztiz birmoldatu dute zentroa hartzeko, eta bihartik aurrera egongo da ikusgai publikoarentzat.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.