PP, Vox eta Cs berriz elkarrekin, oraingoan Kataluniako politikarien indultuen aurka
Madrilgo Udaltzaingoak zenbatu duenez, 126.000 pertsonak parte hartu dute Kataluniako politikarien indultuen aurkako elkarretaratzean, Colon plazan, eguerdian, Madrilgo Udalak jakitera eman duenez.
Espainiako Poliziak, ostera, 25 000 pertsona zenbatu ditu, Espainiako Gobernuak Madrilen duen Ordezkaritzak jakinarazi duenez, hau da, bost aldiz manifestari gutxiago.
Union 78 plataformak deitu du protesta. Pedro Sanchezen Gobernu "ezgai, parasito eta autoritarioaren" aurka egin du plataformak manifestuan. "Aski da", oihu egin du, grazia neurriaren kontra, demokraziaren aurkako "eraso larria" delako.
"Iraintzen duen Gobernu bat, gaur herri erdia baino gehiago iraindu du, ultraeskuintzat joz, ez da guztientzako Gobernu bat, botere baztertzaile, sektario eta arriskutsu bat baizik", adierazi du Rosa Diez Union 78 plataformako sortzaile eta UPyDko presidente ohiak.
Era berean, Andres Trapiello idazleak eta Yeray Mellado gazte kataluniarrak manifestuak irakurri dituzte. Mobilizazioa "historikotzat" jo du Melladok. Pablo Casado, Santiago Abascal eta Ines Arrimadas PP, Vox eta Ciudadanoseko buruzagiak, hurrenenez hurren, protestan sakabanaturik izan dira.
Pablo Casado PPko presidenteak Espainiaren subiranotasunaren zati bat ez "lapurtzea" edo "saltzea" eskatu dio Gobernuari. Genova kaleko egoitzaren atean, iraganeko adierazpenekin "koherentzia" eskatu dio Casadok Pedro Sanchezi, politikari presoak askatuko ez zituela esan baitzuen. "Duintasuna eta batasun nazionala errespetatzea", exijitu dio.
Santiago Abascal Voxeko presidenteak "sigla politikoen gainetik" batasuna aldarrikatu du. "Sanchez min handia egiteko kapaz da, espainiar guztiak, siglen gainetik, Colon plazan elkarrekin egotea garrantzitsua da; beste behin ere beldurrik eta argazkiaren inongo lotsarik gabe itzuli gara", adierazi du Abascalek.
Zigorrak ez barkatzeko eskatu dio Ines Arrimadas Ciudadanoseko buruzagiak Sanchezi, 2019ko hauteskunde-kanpainan defendatu bezala. Zigorrak osorik betetzea aldarrikatu du.
Bestalde, Rafael Simancas Diputatuen Kongresuko Talde Sozialistaren idazkari nagusiak ziurtatu duenez, Colongo elkarretaratzeak "zatiketa, haserrea eta istilua bultzatzen ditu".
Pere Aragones Generalitateko presidenteak amnistia, autodeterminazioa eta independentzia aldarrikatzera deitu du, "nahiz eta faxismoa eta eskuina amorratu".
Azkenik, Gabriel Rufian ERCko bozeramailearen hitzetan, Madrilgo elkarretaratzea "ultraeskuinaren narkosala antzeko bat da, jende horrentzako metadona txarra banatzen baitute bertan".
"Besaulkian" jarraitzeko "amore ematea" leporatu dio Euskadiko PPk Sanchezi
"Besaulkian" jarraitzeko, indultuen "xantaiari amore emateko" Pedro Sanchez gobernuburuaren "asmoa" salatu du Laura Garrido Euskadiko PPren idazkari nagusiak.
Indultuen aurkako sinadurak bildu ditu Euskadiko PPk Gasteizen. 1000 sinadura inguru bildu dituztela jakitera eman du Garridok. Herritar bakoitzak bere "ekarpen txikia" egitea garrantzitsua da, "irain eta bidegabekeria" bat diren indultuei "ezetz ozen" bat emateko, azpimarratu duenez.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.