Landaguneak garatzeko lege-proiektua onartu du Jaurlaritzak
Jaurlaritzak Euskadiko Landa Garapenerako lege-proiektua onartu du. Landa-eremuetako biztanleei eustea eta gune horietara biztanleak erakartzea du helburu, hiri-garapenarekin batera aurrera egin dezaten.
Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak lege-proiektu berriaren xehetasunak eman ditu astearte honetan Gobernu Kontseiluaren osteko prentsaurrekoan. Aurreproiektu hori Ekonomiaren Garapen, Jasangarritasun eta Ingurumen Sailak egin du, foru aldundiekin lankidetzan eta inplikatutako erakunde sektorialen zuzeneko partaidetzarekin.
Lege horrek 1998tik indarrean dagoena ordeztuko du, eta landa-garapeneko estrategia berri bat ezarriko du. Lege-proiektu honen bidez, landa-eremuak bizitzeko leku erakargarriak izatea lortu nahi da, kohesioaren eta aukera-berdintasunaren ikuspegitik.
Horretarako, gaur-gaurkoz martxan dauden laguntza-programak indartuko dira (Erein eta Leader programak) eta Landa Garapeneko Sarea eratuko da, besteak beste, Jaurlaritzako, foru aldundietako, EUDELeko, ACOA-AKEko (Arabako Kontzejuen Elkartea), Kuadrilletako eta Haziko (Lurralde) ordezkariek eta talde teknikoek osatuko dutena.
Proiektu honekin, Jaurlaritzak aurrera egin nahi du lurralde-garapenaren kontzepzio baterantz, EBk bultzatzen duen Lurralde Kohesiorako Politikaren ildotik. Gainera, lege berriak "rural proofing" edo landa-eremuko berme mekanismoa du: gobernuek politika publiko guztiak berrikusteko eta aztertzeko konpromiso hartzen dute, landa-eremuei kalterik egiten ez dietela ziurtatzeko.
Pandemiaren egoerak hazkunde deigarria eragin du biztanle gutxiko zenbait gunetan. Bizi-kalitate hobea bilatu nahi izan dute askok, eta, adibidez, Arabako Mendialdean biztanleria % 7,1 hazi da 2020an eta 2021ean.
Aitzindariak landa-garapenean
1998ko Legearekin, Euskadi aitzindaria izan zen Estatuan eta Europan landa-garapeneko politika berriak abian jartzen. Orain, 20 urte geroago, eraldaketa garrantzitsuak eta joera berriak uztartu dira, eta bete-betean eragiten diete landa-inguruneari eta landa-ingurunearen eta hiri-ingurunearen arteko elkarrekintzari.
Gobernu Kontseiluak onartu ondoren, Legebiltzarrak Landa Garapenaren lege-proiektua jasoko du, izapidetu eta, ondoren, onartzeko.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.