13/13 sumarioaren epaiketaren aurka mobilizatzeko deia egin du EH Bilduk
Datorren astelehenean, uztailaren 12an, emango diote hasiera Auzitegi Nazionalean ezker abertzaleko 8 kideren aurkako 13/13 sumarioaren epaiketari. Horren aurrean, EH Bilduk nabarmendu du "konponbiderako unea" dela, eta ez sufrimendu-gertaera berriak sortzekoa. Era berean, bakerako eta espetxeak husteko garaia dela aldarrikatu du, eta "ez indarkeriak errepikatzekoa eta kartzelako berriz betetzekoa". Hori guztia dela eta, larunbat eguerdian Bilbon eta Donostian egingo dituzten mobilizazioetan parte hartzeko deia egin du koalizio abertzaleak.
Prentsaurrekoan, EH Bilduko parlamentari Maddalen Iriarte eta Julen Arzuagak deitoratu dute luzea dela herri-mugimendu, eragile politiko eta jarduera profesional "guztiz legitimoen" aurkako makro-prozesuen katea. Horren harira, adibide moduan jarri dituzte, besteak beste, Egin eta Egunkaria hedabideen itxiera, Herriraren aurkako sumarioa eta Bateragune auzia; azken hori, gogoratu dutenez, Giza Eskubideen Europako Auzitegiak baliogabetu zuen.
EH Bilduko kideek azpimarratu dute, guztira, 426 pertsona akusatu dituztela 1998tik "beren jarduera politikoagatik, beren ideiengatik, eurak izateagatik edo ordezkatzen zutena ordezkatzeagatik". Era berean, deitoratu dute horietatik, gehienek, gainera, oso kondena luzeak jasan zituztela, "isolamendu eta sakabanatze baldintza gogorretan".
"Makro-prozesu politikoak, orokorrak, berariaz ad hoc sortutakoak, jarduera politikoak, sozialak, komunikatiboak, elkartasunekoak eta nazio eraikuntzakoak kriminalizatzeko eta zigortzeko sortutakoak izan dira. Oinarrizko eskubideen urraketa etengabean eta sistematikoan oinarritutako prozedurak eta zigorrak", salatu dute.
Horren harira, deitoratu dute "dena ETA da" delakoaren "interpretazio estrafalarioa" indarrean jarraitzen duela 25 urte beranduago, erakunde horrek bere jarduera armatuaren amaiera iragarri zuenetik 10 urtera, eta behin-betiko desagertu zenetik 3 urtera.
Hala, aitzakia horrekin, kritikatu dute espainiar Estatuko "kontrolik gabeko" botereek eremu politikoa lokaztu nahi dutela, eta baita "herri hau etengabeko xantaiaren pean mantendu, errepresio eta kartzelaren etengabeko mehatxupean".
Ezinegona epaiketaren aurrean
Arzuaga eta Iriartek azpimarratu dute "kezka handiz" ikusten dutela 13/13 sumarioaren irekiera. Gogoratu dute Arantza Zulueta, Iker Sarriegi, Jon Enparantza, Julen Zelarain, Naia Zuriarrain, Saioa Agirre, Nerea Redondo eta Juan Mari Jauregiren aurka 77 urte baino gehiagoko kartzela zigorrak eskatu dituztela "beren jarduera profesionalagatik eta motibazio politikoko presoei elkartasuna adierazteagatik".
Horren aurrean, deitoratu dute, berriz ere, prozedura horretan "frogaren praktikaren irregulartasunak, salaketa bitxien fabrikazioa eta torturaren itzala" egon direla. Era berean, nabarmendu dute atxiloketa, inkomunikazio eta espetxeratze haietatik 11 urte igaro ondoren, auzipetu askok dagoeneko zigorra bete dutela, eta berriro ere gertaera horiengatik epaituko dituztela.
EH Bilduko kideek azpimarratu dute ezin direla eskuak gurutzatuta gelditu "torturapean erauzitako deklarazioei buruzko kondena eta kartzelarekin mehatxatzen duten egitura legal eta jurisdikzionalen aurrean". Hala, nabarmendu dute Espainiako Estatuko "sakoneko botereek" ezin dutela barneratu "herri honek bakea, bizikidetza eta konponbidea lortzeko egiten dituen ahaleginak", eta salatu dute horiek "errezeta bakarra" dutela: "Pertsona, familia eta herri honi sufrimendu gehiago ekartzea".
Manifestazioetan parte hartzeko deia
Auzipetuei, haien familiei eta hurbilekoei elkartasuna adierazi ondoren, Arzuagak eta Iriartek dei egin diete "balio demokratikoetan sinesten duten eta bakea eta bizikidetza eraikitzeko bidean aurrera egin nahi duten" euskal herritarrei datozen egunetan izango diren mobilizazioetan parte hartzera: "EH Bildu larunbat eguerdian Bilbon eta Donostian deitutako mobilizazioetan izango da, eta bertan parte hartzera deitzen ditugu herritarrak".
Azkenik, EH Bilduk bakea eraikitzeko konpromisoa berritu nahi duela gogoratu dute bozeramaile soberanistek, "baita herri honetako bizikidetzaren aldeko apustu eztabaidaezina ere, eta herri honetako gatazka politiko latzaren ondorio guztiak konpontzeko erabakia".
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.