14 emakumek eta zortzi gizonek osatzen dute Sanchezen Gobernu berria
Pedro Sanchez Espainiako Gobernuko presidenteak bere Kabinetearen birmoldaketa sakona iragarri du larunbat honetan. Sanchezek, pisuzko hainbat ministro aldatu ditu, koronabirusak eragindako krisi ekonomikoari aurre egiteko helburuarekin. Besteak beste, Carmen Calvok eta Ivan Redondok ez dute orain arte bete dituzten karguetan jarraituko. Hain zuzen ere, "susperraldiaren Gobernua" osatzea da Sanchezen asmoa.
Birmoldaketa horrekin, emakumeen presentzia handitu du Sanchezek bere gobernuan; izan ere, 14 emakume bilduko dira Ministro Kontseiluan. Koalizio-gobernua 23 kidek osatzen dute, presidentea barne. Zehazki, lau gizonek eta hiru emakumek utzi dute Gobernua, eta horien ordezkoen artean, bost, emakumeak izango dira.
Sanchez birmoldaketaren ondoren, horrela geratu dira Espainiako Gobernua eta Ministerio bakoitza:
- Presidentea: Pedro Sanchez
- Lehen presidenteordea: Nadia Calviño (bigarren presidenteordetzatik lehenengora igaro da. Ekonomia eta Tranformazio Digitaleko Ministerioarekin jarraituko du).
- Bigarren presidenteordea: Yolanda Diaz (hirugarren presidenteordetzatik bigarrenera igaro da. Lan eta Gizarte Ekonomia Ministerioarekin jarraituko du).
- Hirugarren presidenteordea: Teresa Ribera (laugarren presidenteordetzatik hirugarrenera igaro da. Trantsizio Ekologikorako eta Erronka Demografikorako ministroa izaten jarraitzen du).
- Presidentetza, Gorteekiko Harremanetarako eta Memoria Demokratikorako ministroa: Felix Bolaños (Carmen Calvo ordezkatu du).
- Kanpo Arazoetako, Europar Batasuneko eta Lankidetzako ministroa: Jose Manuel Albares (orain arte Espainiako enbaxadorea Parisen). Arancha Gonzalez Laya ordezkatu du).
- Justizia ministroa: Pilar Llop (Senatuko presidente kargua utzi du. Juan Carlos Campo ordezkatu du).
- Defentsa ministroa: Margarita Robles (aldaketarik gabe jarraitzen du).
- Ogasun eta Funtzio Publikoko ministroa: Maria Jesus Montero (Gobernuko bozeramaile lanak utzi ditu, baina Ogasun Ministerioa mantentzen du).
- Barne ministroa: Fernando Grande-Marlaska (berdin jarraitzen du).
- Garraio, Mugikortasun eta Hiri Agenda ministroa: Raquel Sanchez Jimenez (Gavako alkatea, Jose Luis Abalosen ordez).
- Hezkuntza eta Lanbide Heziketako ministroa: Pilar Alegria (orain arte Espainiako Gobernuak Aragoin zuen ordezkaria).
- Industria, Merkataritza eta Turismo ministroa: Reyes Maroto (aldaketarik gabe jarraitzen du).
- Nekazaritza, Arrantza eta Elikadura ministroa: Luis Planas (berdin jarraitzen du).
- Osasun ministroa: Carolina Darias (bere horretan jarraitzen du).
- Lurralde Politika eta Gobernuko bozeramailea: Isabel Rodriguez (orain arte Puertollanoko -Ciudad Real- alkatea izan da). Miquel Iceta ordezkatu du Lurralde Politikan, eta Maria Jesus Montero bozeramailetzan).
- Kultura eta Kirol ministroa: Miquel Iceta (Jose Manuel Rodriguez Uribes ordezkatuko du eta Lurralde Politika utziko du).
- Eskubide Sozialen eta 2030 Agendaren ministroa: Ione belarra (Podemos. Mantendu egiten da).
- Zientzia eta Berrikuntza ministroa: Diana Morant (Gandiako alkatea. Pedro Duque ordezkatuko du).
- Berdintasun ministroa: Irene Montero (Podemos. Aldaketarik gabe jarraitzen du).
- Kontsumo ministroa: Alberto Garzon (Podemos. Berdin jarraitzen du).
- Gizarteratze, Gizarte Segurantza eta Migrazio ministroa: Jose Luis Escriva (bere horretan jarraitzen du).
- Unibertsitate ministroa: Manuel Castells (Podemos. Aldaketarik gabe jarraitzen du).
Albiste gehiago politika
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".