PP: "Sanchezek ez du zailtasunak gainditzeko gai izango den ministro aldaketarik egingo"
Espainiako Gobernuaren birmoldaketaren berri izan bezain laster Alderdi Popularrak hauteskundeak eskatu ditu gaur: "Sanchezek ez du zailtasunak gainditzeko gai izango den ministro aldaketarik egingo". Gobernuburua krisiaren arduraduna dela erantsi du PPk.
"Txotxongiloak aldatzeak ez du ezertarako balio Sanchezen Gobernuan, independentisten esanetara jarraitzen baldin badute", ohartarazi du Cuca Gamarra PPren Kongresuko bozeramaileak Donostian. Gamarrak Belaunaldi Berrien Miguel Angel Blanco Udako Eskolan hartu du parte.
"Arazoa ez dira ministroak", Sanchez presidentea bera baizik; izan ere, "ordezkatzen duen eraginkortasun eza, gezurra eta harrokeria guztia estaltzeko gai den gobernu krisirik ez dago", esan du. Gamarraren ahotan, Exekutiboak "porrot egin" du, Sanchezek "ez duelako gehiagorako ematen, eta herrialde hau aurrera ateratzeko kapaz ez dela demostratu duelako".
"Sanchez ez da okertu behar, tiki-taka hasi da eta bere denbora agortzen ari da, arazoa bera da eta ez bere ministroak (…) Gobernu krisiak alde batera utzi itzazu, Gobernua aldatzea nahi dugu", gaineratu du Gamarrak. Aldaketok "ezer ez aldatzeko dira, eta herri honetan gauza ugari aldatu behar dira", azpimarratu du.
"Pablo Iglesias arazoa zela esaten ziguten, eta Pablo Iglesiasek alde egin zuen, baina arazoak jarraitu du, arazoa Pedro Sanchez deitzen delako", errepikatu du.
Elkarlanean aritzeko gogoekin jarraitzen du EAJk
Testuinguru horretan, Sanchezen Exekutiboarekin orain arte adostutako akordioak betetzen direla zainduko duela ziurtatu du EAJk. Alderdiaren iritziz, Espainiako koalizio-gobernuan egindako aldaketek "PSOEren barneko arrazoiei" erantzuten diete.
Hala, alderdi jeltzaleak nabarmendu duenez, Estatuarekin "hitz egiteko eta elkarlanean aritzeko bokazioari" eusten dio, eta "hartutako konpromisoak betetzen direla eta gauzak funtzionatzen dutela" zaintzen jarraituko du.
Zure interesekoa izan daiteke
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.