Joseba Barandiaran poliziaren biktimaren omenezko plaka jarri dute Donostian
Donostiako Udalak Joseba Barandiaranen omenezko plaka jarri du gaur. Polizia Armatuak erail zuen 19 urteko gaztea, 1978ko uztailaren 11ko manifestazio batean.
Eneko Goia alkateak, udal talde guztietako ordezkariek, familiak, hurbilekoek eta herritarrek hartu dute parte omenaldian. 12:00etan izan da, Barandiaran hil zuten tokian bertan; Donostiako San Bartolome kaleko 12.enean, hain zuzen ere.
Udalak duela hiru urte jarri zuen martxan biktimak omentzeko ekimena, eta Barandiaranena ipinitako hamahirugarren oroigarria da. Alkateak gaurko ekitaldian azaldu duenez, Eusko Jaurlaritzak aitortutako biktimen txostenetik abiatuta, "indarkeriaren biktimak gogoratu" nahi ditu Udalak.
Barandiaranena da, baina, indarkeria polizialaren biktima bat aitortzen duen lehen plaka. Eneko Goiak esan duenez, "1978ko sanferminetan jazotako gertakari larrien ondorioz", "akzio polizialaren biktima" izan zen.
Joseba Barandiaran Urkolari tiro egin zion Poliziak, German Rodriguezen erailketaren kontrako protesta batean. Rodriguez bera ere Polizia Armatuaren biktima izan zen, urte bereko sanferminetan.
Gaurkoak "Donostian indarkeriaren ondorioz bizia galdu zutenak oroitzeko eta omentzeko" balio izan duela azpimarratu du Goiak.
Albiste gehiago politika
Talde israeldarra Vueltatik kanporatzearen aldekoa dela esan du Albaresek
Ukraina inbaditzeagatik Errusia kirol-lehiaketetatik kanporatu izana adibide gisa jarri du Espainiako Atzerri ministroak.
Auzitegi Nazionalak Nafarroako Parlamentuari 'Koldo auzia'-ri buruzko informazioa ukatu dio, "izaera erreserbatua" duelako
Ismael Moreno epaileak azpimarratu duenez, Prozedura Kriminalaren Legearen arabera, "sumarioko eginbideak isilpekoak izango dira eta ez dira publikoak izango ahozko epaiketa hasi arte".
Ernai irailaren 14an mobilizatuko da, Donostian, independentziaren alde
Kontxako Banderako estropaden finalarekin bat eginez, gazte antolakundeak independentziaren aldeko "beste bultzada bat" ematearen alde egingo du.
"Genozidak" eta "Hamas, hil itzazu" dioten pintaketak egin dituzte Gasteizko komunitate judua oroitzeko eskulturan
Atzo agertu ziren pintaketak, Judimendi auzoko aintzinako hilerri juduaren omenez jarritako eskulturan.
Aburto: "Min izugarri handia ematen dit Bilbo ordezkatzen ez duen taldetxo baten irudiak ikusteak"
"Bilbo solidario eta bakezale baten irudia eskaintzeko aukera izan genuen atzo", deitoratu du Bilboko alkateak. "Indarkeria erabiltzea eta txirrindulariaren bizia bera ere arriskuan jarri… Ez, ez eta ez", azpimarratu du.
Polemika, urte judizialaren hasiera ekitaldira begira: Garcia Ortiz bertan izango da; Feijoo, ordea, ez
Elkarteen ustez, "erabat ezohikoa" da Auzitegi Gorenak auzipetutako fiskal nagusia bertan izatea, eta PPren buruak iragarri du ez dela ostiraleko ekitaldira joango, "Erregearen aurkako talka instituzionalaren alde" ez egitearren.
Parisen Zelenskirekin eta beste buruzagi batzuekin biltzekoa zen Sanchez, baina hegazkinak matxura izan du eta ezin izan da joan
Sanchez bideokonferentziaz konektatuko da 'boluntarioen koalizioko' buruzagien bilerara. Errusiarekin su-eten akordioa lortuz gero Ukrainari helarazi beharreko segurtasun bermeei buruz hitz egitea da helburua.
Pradales: "Protestak gizalegearen kontrako ekintza bihurtzea ez zen eraikitzailea izan"
RNEn egindako elkarrizketa batean, Imanol Pradales lehendakariak atzo Bilbon izandako istiluak deitoratu ditu. Haren hitzetan, zilegi da protestatzea, baina inoren segurtasuna arriskuan jarri gabe.
Chivite, Senatuko ikerketa batzordean agerraldia egiteko PPren eskaeraren aurrean: "Joan egingo gara"
Popularrek Nafarroako Gobernuko presidentea deitu nahi dute 'Koldo auzia'ren adar guztiak aztertzeko Senatuan egingo den ikerketa-batzordera.
Chivitek Esparzaren adierazpen batzuei darien "kirats matxista" kritikatu du
Maria Chivite Nafarroako Gobernuko presidenteak adierazpen matxistak egitea leporatu dio Javier Esparzari (UPN), eta Foru Erregimeneko batzorde parlamentarioan ika-mika txiki bat sortu da. "Neuk zuzentzen dut 2014ko abendutik Nafarroako sozialismoa, eta neuk zuzentzen dut 2019ko abuztutik Foru Gobernua. Eta emakume buruok ez dugu behar inongo gizonik gure begirale izatea", adierazi du.