Sanchezek ezezkoa eman die, gutun bidez, maskarari eta gaueko mugikortasunari buruz Urkulluk egindako eskaerei
Astebete behar izan du Pedro Sanchez Espainiako Gobernuko presidenteak Iñigo Urkullu lehendakariak maskararen erabileraren derrigortasunari buruz eta autonomia erkidegoek gaueko mugikortasuna eta pertsonen elkarteak mugatzeko neurriak hartzeko berme juridikoei dagokienez egindako eskariei erantzuteko.
Sanchezek gutun bat bidali zion atzo lehendakariari, Urkurlluk joan den astean gutun bidez egin zizkion bi planteamenduei ezezko erantzuna emanez. Urkullu Kongresuan osoko bilkura egin aurretik zuzendu zitzaion Sanchezi, izan ere bilkura horretan maskararen erabilera malgutzeko Errege Lege Dekretua baliozkotzea zen asmoa, eta hori zen, hain justu, Urkulluk atzera bota nahi zuena, covid-19aren bosgarren olatuaren eragina zela eta.
Era berean, eskatzen zion "berme juridikoa" emateko neurriak ezar zitzala, erkidegoek gaueko joan-etorriak eta bildu ahal diren pertsona kopurua mugatu ahal izateko.
Estatuko Exekutiboko bozeramailearen ezezkoa ia berehalakoa izan zen, hilaren 21ean Kongresuak Errege Lege Dekretua baliozkotu ostean.
Horri guztiari buruz hitz egin du Bingen Zupiria Eusko Jaurlaritzako bozeramaileak: "Lehen erantzuna ez zen atzo eman, asteazkenean baizik, Espainiako Parlamentuan, Gobernuak lege-dekretua bere horretan mantentzea erabaki zuenean. Bezperan Espainiako Gobernuaren bozeramaileak ere erantzun zuen", esan du Gobernu Kontseiluak Gasteizen egindako bileraren ostean egindako agerraldian.
Azaldu duenez, gutunean Sanchezek "lehen agertu izandako iritzi bera agertzen du" maskaren inguruan. Azaldu duenez, lehendakariak proposatutako berme juridikoen inguruan ere, ez du halakorik onartu.
Presidenteen biltzarra
Nolanahi ere, Zupiriak esan du Gobernuko presidenteak ez diola, bere idazkian, datorren ostiralean Salamancako Presidenteen Konferentziara joateko berariazko gonbidapenik egiten. Autonomietako ordezkari nagusien bilerarako gonbidapena joan den astean jaso zuen Iñigo Urkulluk, gainerako guztiek bezala; bertan, antza, ez da gai-zerrendarik jasotzen.
"Presidenteak ez dio berariazko eskaerarik egiten, baina Isabel Rodriguez Gobernuko bozeramaileak lehendakariari deitu dio bere asmoez galdetzeko", esan du Zupiriak, Iñigo Urkulluk goi-bilerara joango den ala ez oraindik ez duela erabaki iragarri ostean.
Bileran parte hartuko duen ala ez aztertzen ari da Urkullu. Izan ere, uste du deialdiak ez dituela betetzen foro horrek dituen "funtzioak, ez arauak", eta, adierazi du, Urkulluk kontuan izango duela Pedro Sanchezen Gobernuak Eusko Jaurlaritzarekin egonkortasunari egiten dion ekarpenarekin lotutako konpromisoak dituela betetzeke.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.