Transferentzien gaiari helduko diote gaur Generalitateak eta Espainiako Gobernuak aldebiko batzordean
Espainiako Estatuaren eta Generalitatearen arteko aldebiko batzordeak bilera du gaur Madrilen, 2018tik lehen aldiz, Kataluniako Gobernuaren esku gera litezkeen eskumenen inguruan hitz egiteko. Autodeterminazioaren auzia gai zerrendatik kanpo geratuko da, irailaren hirugarren asterako aurreikusita dagoen elkarrizketarako mahaian aztertuko baitute.
Batzarra 16:00etan hasiko da, Lurralde Politikako eta Administrazio Publikoetako Ministerioak duen egoitzan. Isabel Rodriguez ministroa izango da Espainiako Gobernuaren ordezkaritzaren buru, eta, besteak beste, Jordi Puignero Generalitateko presidenteordea, Laura Vilagra Presidentetza kontseilaria eta Jaume Giro Ekonomia eta Ogasun kontseilaria izango dira Kataluniakoaren izenean. Hitzorduaren ostean, Kataluniako Gobernuko ordezkariek prentsaurrekoa eskainiko dute.
56 eskumen eskualdatzeko eskaera eramango du Generalitateak bilerara, eta, tartean, Bartzelonako El Prat aireportuaren kudeaketa, Gizarte Segurantzako eskumenak edota Mossoentzako funtzio gehiago galdegingo ditu Aragonesen gobernuak.
Horren aurrean, bekak eta garraiobideen alorrean aurrerapausoak emateko prest azaldu da Espainiako Gobernua, eta beste eskumen batzuk mahai gainean jartzeko borondatea ere adierazi du azken egunetan. Generalitateak hala nahi badu ere, Sanchezen exekutiboak ez du Next Generation funts europarrak ahotan hartzeko asmorik.
Eskaeren zerrenda luzea dela jakitun, udazkenerako "lan egutegi" bat adosteko xedea du Generalitateak, eskualdatzeak datozen hilabeteetan burutu daitezen.
Kataluniaren eta Estatuaren arteko aldebiko batzordea 2006ko Estatutuarekin batera sortu zen, eta hamargarren bilera izango du gaurkoa.
Zure interesekoa izan daiteke
Albiste izango dira: Santos Cerdan Senatuko ikerketa batzordean, BBK fundazioko presidente berria eta Guggenheim Urdaibai proiektuaren amaiera
Gaurkoan Orain-en albiste izango direnen laburpena, bi hitzetan.
Cerdan Senatuan izango da gaur, baina ez dago argi deklaratuko duen ala ez
Santos Cerdan, PSOEko Antolakuntza idazkari ohia eta judizialki ikertua, Senatuko ikerketa batzordera joango da gaur: galderei erantzuteko edo ez erantzuteko eskubidea du.
Otxandiano, Guggenheim Urdaibai proiektua atzera bota izanaren harira: "Errealitatea gainetik pasa zaio EAJri"
EH Bilduk Eusko Legebiltzarrean duen bozeramaileak dei egin du etorkizunari begira lezioak ateratzeko eta modu "bertikalistan" gobernatzeari uzteko. Sumar mugimenduak, berriz, "gehiengoaren sentimendua nagusitu" dela uste esan du eta gizarte zibila zoriondu du.
Transferentzien Batzorde Mistoa abenduaren 29an bilduko da bost gai eskualdatzeko
Honako hauek dira gaiak: itsas salbamendua, Barakaldoko makineria egiaztatzeko zentroa, eskola-asegurua, Gizarte Segurantzaren kotizazio gabeko prestazioak eta langabezia-prestazioak. Beste transferentziak, Euskadiko Gobernuak urrian Estatukoari helarazi zizkion hamar transferentziak osatu arte, negoziatzen jarraituko da urtea amaitu arte, epe hori jarri baitzen Estatutua gauzatzeko.
"Intolerantzia-agerraldiak izan dira Euskadin: pintadak, jazarpena... Ez dira noizbehinkakoak, estrategia bati lotuta daude"
Euskadin indarkeria berriz pizteko aukeraren inguruan mintzatu da Iñigo Urkullu lehendakaria eta eAtlantic Fundazioaren presidentea, Radio Euskadiko "Boulevard" irratsaioan egindako elkarrizketan.
Barne Ministerioak Lleidako poliziaburua kargutik kendu du, Donostian sexu-jazarpenagatik ezarritako zigorraren berri izan ostean
Komisarioa inspektoreburua zen garai hartan Donostian, Esku Hartzeko Poliziaren Unitate bat (UIP) zuzentzen ari zen, eta, Gipuzkoako Auzitegiak frogatutzat jo eta Auzitegi Gorenak berretsi zuenaren arabera, "lanean hasi zen unetik" biktimari, bere agintepeko agente bati, "harekin sexu-harremanak izateko" eskatzen hasi zitzaion.
"Immobilismoa ez da aukera bat", ohartarazi dio Sumarrek Sanchezi, eta aldaketak eskatu dizkio berriro
Ernest Urtasunek adierazi duenez, legealdiko une "oso larria" da, PSOEri eragiten dioten ustezko ustelkeria kasuak eta buruzagi sozialisten aurkako sexu-jazarpen salaketak direla eta.
Sanchez Junquerasekin (ERC) bilduko da urte hasieran, legegintzaldian aurrera nola egin aztertzeko
Juntsi dagokionez, Pedro Sanchezek aitortu du Kataluniako alderdiarekin "harremana hautsita" dagoela, baina akordioak betetzeko "erabateko borondatea" agertu du.
Sanchezek adierazi du "feminismoarekiko erabateko konpromisoa" duela eta ustelkeriaren aurka "irmo" diharduela
Espainiako Gobernuko presidenteak agerraldia egin du Moncloan, urtearen balantzea egiteko. Azpimarratu duenez, legealdia amaitzeko borondatea du, eta horretarako babesak "harrien azpian ere" bilatuko dituela hitzeman.
Espainiako Gobernuaren egoera "jasanezina" dela dio Urkulluk
'Forum Europa. Tribuna Euskadi' saioan egindako hitzaldian, Euskal Herriko gaurko egoera politikoa ere aztertu du eAtlantic Fundazioko presidenteak, eta garrantzia kendu die EAJren eta PSEren arteko "desadostasunei", horren iritzian, "egonkortasunaren" alde adosteko gai diren alderdiak direlako.