Urkulluk Euskal Y-a amaitzea eskatu du, eta hiriburuetarako sarbidean aurrera egiteko eskaintza berretsi du
Iñigo Urkullu lehendakariak, Raquel Sanchez Garraio, Mugikortasun eta Hiri Agenda ministroaren aurrean, Euskal Y-a amaitzeko beharra azpimarratu du, eta Eusko Jaurlaritzak eta euskal erakundeek "hiriburuetarako sarbidean aurrera egiteko" egindako eskaintza berretsi du, "hiri-eraldaketan, ingurumenaren integrazioan eta kohesio sozialean benetan lagunduko duten jarduerei helduz".
Repsol-Petronorrek eta Bilboko Udalak antolatu eta Felipe VI.a Espainiako erregeak inauguratu duen Bilbo 2021 SUM Mugikortasun Kongresuan esan ditu hitzok: bi egunez, nazioarteko 90 aditu bilduko ditu, kongresu horrek, hiri-mugikortasun jasangarriaren erronkak eta aukerak aztertzeko. Inaugurazio ekitaldian Raquel Sanchez Espainiako Garraio, Mugikortasun eta Hiri Agenda ministroa ere izan da, besteak beste.
Lehendakariak Eusko Jaurlaritzak mugikortasunaren arloan dituen helburuetako batzuk azpimarratu ditu, hala nola, Europako Korridore Atlantikoaren "funtsezko katebegi" gisa kokatzea, klima-aldaketaren aurkako borrokan lagunduko duen garraio kolektiboko sistema bat bultzatzea eta "Euskal Hirian integratutako" garraio publikoaren mapa "intermodala" burutzea.
Era berean, euskal trenbide eta aireportuekin lotutako gaien eta zerbitzuen transferentzia burutzeko beharra aipatu du, Gernikako Estatutua "osorik bete dadin".
Urkulluren esanetan, Eusko Jaurlaritzaren "nahia" 2030erako euskal garraioaren mapa amaitzea da, "garapen jasangarriaren helburuei lagunduz eta berotegi-efektuko gasen isurketa murriztuz, hori baita gure 10 herrialde-helburuetako bat", azpimarratu du.
Azaldu duenez, estrategia partekatu horretan industriak "garrantzi handia" du, izan ere, Eusko Jaurlaritzak ezarri duen helburuetako bat BPGren % 40a industria eta zerbitzu aurreratuek ordezka dezaten. Gainera, pandemiaren hilabeteetan, "kaltetutako sektoreei" laguntzeaz gain, euskal industriari babesa eman diotela azpimarratu du, "kluster espirituarekin betiere".
"Hilabete honetan bertan ikusi dugu energiaren, osasun-industrien edo mugikortasunaren alorrekoak funtsezko industria-sektoreak direla Euskadiren etorkizunerako, lehentasun gisa hartzen dugun trantsizio teknologiko eta digitala aplikatzeko eta EAEren bultzada ekonomiko eta sozialerako, pandemiaren ondorengo etapan", gaineratu du.
Azkenik, gizarte osoari dei egin iraunkortasunaren alde egin dezan, eta azpimarratu du mugikortasun iraunkorraren erronka "erabaki pertsonal batekin" hasten dela. "Kongresutik bat egiten dugu mugikortasun iraunkorragoa, garraio kolektiboa, bizikleta eta oinez ibiltzeko konpromiso pertsonalaren aldeko nazioarteko deiarekin", gaineratu du.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.