Lehendakaritzak ordezkaritza zabalduko du Parisen
Eusko Jaurlaritzako Lehendakaritza sailak % 9,6 handituko du bere aurrekontua datorren urtean, 35,5 milioi eurora arte, inbertsio berrietarako. Besteak beste, Parisen ordezkaritza bat sortuko du eta nazioartean Basque Country markari bultzada handiagoa emango zaio, Txus Peña Eusko Jaurlaritzako Lehendakaritzako idazkariak jakitera eman duenez.
Lehendakaritza da Jaurlaritzan diru gutxien duen saila eta, Lehendakaritzaren barruan, Marian Elorzak zuzentzen duen Kanpo Harremanetarako Idazkaritzak izango du aurrekonturik handiena 2022an: 11 milioi euro.
Horietatik, milioi bat baino gehiago Eusko Jaurlaritzak Parisen izango duen ordezkaritza berri bat sortzera bideratuko dira. Hala sei izango dira Eusko Jaurlaritzak izango dituen ordezkaritzak, aurretik zabalik baititu bulegoak Bruselan, AEBetan, Mexikon, Kolonbian, Txilen, Argentinan eta Madrilen. Parisko ordezkaritza martxan egon daiteke datorren udarako.
Carmelo Barrio PPko bozeramaileak kritikatu egin du Frantzian bulego berri hori sortzea, eta galdetu du ea euskal herritarrek zertarako behar duten Parisen ordezkaritza bat, Bruselakoa hain gertu egonik.
Marian Elorzak bulego berri hori sortzearen alde egin du, Eusko Jaurlaritzaren eta Frantziako Estatuko administrazioen edo hainbat arlotako erakundeen artean dagoen harreman-bolumen "zabalagatik". Azaldu duenez, ordezkaritza horrek "tamaina ertaina" du -Bruselakoa baino txikiagoa, han zentralizatzen dira EBrekiko harremanak-. Bertan sei lagunek egingo dute lan.
Marian Elorzaren arabera, Eusko Jaurlaritzak atzerrian dituen bulego horien helburua ez da izango soilik euskal interes sozioekonomikoei eta enpresa arlokoei euskarria ematea, baizik eta harremanak sustatzea beste esparru batzuetan, hala nola unibertsitatean eta kulturan.
Albiste gehiago politika
Kataluniarentzako eta hala nahi duten erkidegoentzako finantziazio berezi berriaren gakoak
Aurreikusitako ereduak, hasteko, zerga-bilketa osoa Generalitatearen esku uzten du, eta baliabide horien zati bat Estatuari ematea aurreikusten du, erkidegoari eskaintzen dizkion zerbitzuen ordainetan.
Espainiako Gobernuak eta Generalitateak diru-sarreren araberako finantzaketa-eredua hitzartu dute, baina ez dute zehaztu datarik ezta kopururik ere
Eredu berriaren arabera, Kataluniak —eta gainerako autonomia erkidegoek, nahi izanez gero— zerga guztiak bildu eta tributuen saski batera bideratuko dira. Hala, saski horretatik aterako da Espainiako Estatuak Katalunian haren gastuak finantzatzeko kopurua, eta gainerakoa Generalitatearentzat izango da.
Borja Semperrek (PP) minbizia antzeman diotela iragarri du
Alderdi Popularreko bozeramaileak adierazi duenez, ohiko mediku-azterketa batean tumore bat atzeman diote, eta "tratamendu zorrotza" beharko du. Dena dela, "sendatuko" dela berretsi diote medikuek.
Borja Semperrek minbizia duela eta tratamendua hasiko duela iragarri du
PPk Kongresuan duen bozeramaileak prentsaurrekoan iragarri duenez, tumorea ohiko azterketa batean atzeman zioten: "Lehen fasean dago, eta sendatzeko aukerak daudela esan didate".
Mertxe Aizpurua (EH Bildu): "Gehiengo abertzaleari erantzun behar dio Espainiako Gobernuak eta zintzilik dauden transferentzia guztiak eskuz aldatu"
EH Bilduk Diputatuen Kongresuan duen bozeramailearen arabera, "alderdi abertzaleek ados jarri beharko genuke" eskualdatzeko dauden eskumenak transferitzeko. Gogorarazi du horien artean Gizarte Segurantzaren kudeaketarena dagoela, eta azpimarratu du, zaila izan arren, euskal indar abertzaleek elkarrekin eskatu beharko lioketela Espainiako Gobernuari hartutako konpromisoa betetzeko.
Gizarte Segurantza eta sare elektrikoko inbertsioak izango dituzte aztergai Pradalesek eta Sanchezek biharko hitzorduan
Transferentzien Aldebiko Batzordea Madrilen bilduko da bihar, eskualdatu gabe dauden transferentziekin aurrera egiteko. Euskara Europan ofizial egitea, Europako Makroeskualde Atlantikoa sortzea, Euskadiren konektibitatea eta migrazioa ere jorratuko dituzte.
Espainiako Gobernua eta Generalitatea finantziazio-eredua sinatzeko dira, beste erkidego batzuk mesfidati agertu diren arren
Espainiako Gobernuaren eta Generalitatearen arteko Aldebiko Batzordea 12:00etan egingo da, Bartzelonan, mahai gainean finantzaketa-eredu berezia duela. PSCren eta ERCren arteko akordioaren emaitza da, eta orain bi exekutiboek onartu dute, baina xehetasunak aletu beharko dituzte.
EAJk Voxi: "Zuekin ez, ezta Voxekin batera datozenei ere"
Ikurrinak 131 urte bete ditu. Lehen aldiz Bilboko Posta kalean zegoen Batzokian zintzilikatu zuten. Ikurrinari gaur egindako omenaldian Iñigo Ansola BBBko presidenteak adierazi du gure kultura, nortasun eta euskararen kontra daudenekin inolaz ere ez dutela bat egingo ere, Voxi aipamen zuzena eginda.
EBri ezarritako % 30eko muga-zergekin kezkatuta, bidezko akordio bat espero du Eusko Jaurlaritzak
Mikel Jauregi Eusko Jaurlaritzako Industria sailburuak azpimarratu duenez, Euskadi prest dago bere industria defendatzeko Trumpen muga-zergen aldebakarreko eta itundu gabeko igoera baten aurrean, baina Europak "zentzuduna eta irmoa" izan behar du erantzunean, eta "zalantzarik egin gabe" babestu behar du Europako industria.
ERCk finantzaketa eredua zehazteko eskatu dio PSOEri, eta zerga agentzia independentea bultzatzeko
Salvador Illa Generalitateko presidente izendatzea errazteko PSCk eta ERCk lortutako akordioaren arabera, 2026tik aurrera Kataluniako Zerga Agentziak izan beharko luke Katalunian PFEZa biltzeko ardura.