CNIk ikerketan izandako papera kritikatu eta frogak baliogabe uztea eskatu dute defentsek
Zenbait akusaturen defentsak absoluzioa eskatu du asteazken honetan, frogen baliogabetasuna argudiatuz. "ETAren fronte juridikoa" osatzea leporatzen diete. Era berean, Inteligentzia Zentro Nazionalak (CNI) ikerketan izandako "funtsezko papera" kritikatu dute abokatuek. Horrela, CNIk Halboka txostena egin zuela uste dute. Poliziaren ondorengo ikerketak txosten hori du "oinarri".
13/13 auziko epaiketan, ondorioak aurkeztu dituzte hiru abokatuk, eta guztiek frogen jatorrian jarri dute arreta.
Alfonso Zenon Arantza Zuluetaren eta Jon Enparantzaren abokatuak absoluzioa eskatu du, eta akusatuen oinarrizko eskubideak urratu direla salatu du.
Akusatuek aurkeztutako frogak ez dituztela onartu esan du Zenonek. Abokatuaren hitzetan, epaiketak "ez du oinarririk", eta benetako babes judizialerako eskubidea urratu dela erantsi du. "Frogarik ez onartzeak defentsa-gabezia eragin du", kritikatu duenez.
Baina larriena Halboka txostena da, abokatuak azpimarratu duenez, eta "CNIren esku-hartzea" prozesuan. "Aditu judizialek garrantzia kendu diote, esku-hartze hori legez kanpokoa izan dela badakitelako", nabarmendu du.
Horrela, ikerketa judizialak CNIren txostena "oinarri" duela errepikatu du Zenonek. Ondorioz, abokatuaren esanetan, "botere-banaketa" urratu dute.
Jone Goirizelaia Naia Zurriarrainen abokatuak absoluzioa eskatu du. Zuriarrainek salatutako torturak hizpide izan ditu Goirizelaiak. Abokatuaren ahotan, frogak "oinarrizko eskubideak" urratuz lortu zituzten, eta, beraz, "ezin dira erabili".
Azkenik, epaimahaiari zuzendu zaio Goirizelaiak. Abokatuaren ustez, ezker abertzalea "bizikidetzarako egoera ezberdin bat sortzen" saiatu da. "Epaian absoluzioa erabakitzea eta aurrera egiten laguntzea eskatzen dizuet, horixe nahi dugulako, bidezko gizarte bat eta bakea", laburbildu du.
Iker Sarriegiren abokatuak absoluzioa eskatu du, aurrekoek egin bezala. CNIk prozesuan izandako "funtsezko paperean" arreta jarri du defentsak. "CNIk prozeduran izandako funtsezko jarduera zergatik ukatzen duzue? Oso argia izan da eta", galdetu du.
Testuinguru horretan, prozesuan funtsezkoa izan den aldea egoitza judizialean agertu ez izana kritikatu ordezkariak. Zentzu horretan, Fiskaltzak "CNIko kideen eta lekuko anonimoen" nortasunaren berririk ere ez du, nabarmendu duenez.
"Halboka tesia ez da Guardia Zibilaren hipotesia, CNIrena baizik. Fiskalak, behartuta, ikerketa miaketekin hasi zela esan du, ez txostenarekin. Ondorioz, froga eta guztia baliorik gabe uztea beste irtenbiderik ez dagoela uste dugu", errepikatu du.
Ostegunean berriz helduko diote epaiketari, 10:00etan, Nerea Redondoren eta Saioa Agirreren abokatuen ondorioekin.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.