EAEko alderdi denak, Elkarrekin Podemos-IU izan ezik, covid ziurtagiria ezartzearen alde agertu dira
Gaueko aisialdiko establezimenduetan, kontzertu-aretoetan edo 50 lagunetik gorako edukiera duten ostalaritza-establezimenduetan 12 urtetik gorako pertsonei covid ziurtagiria eskatzeko aukera mahai gainean dago Euskal Autonomia Erkidegoan. Eusko Jaurlaritzak, jada, pasaportea eskatzea baimentzeko eskatu dio Euskadiko Auzitegi Nagusiari, eta erakunde horrek astelehenean kaleratuko du ebazpena.
Eusko Legebiltzarrean ordezkaritza duten alderdi guztiak, Elkarrekin Podemos-IU izan ezik, pasaportea eskatzearen alde agertu dira, kutsatzeak murrizten lagundu dezakeelakoan.
Radio Euskadiko Parlamento en las Ondas saioko solasaldi politikoan izan dute hizpide gai hau, besteak beste. Elkarrekin Podemoseko Ion Hernandezen hitzetan, covid ziurtagiria eskatzea "ez da neurri eraginkorra", eta beste neurri batzuk egokiagoak izan daitezkeela nabarmendu du. "Leku itxietan airearen kalitatea kontrolatzea, eskoletan bereziki, eraginkorragoa da. Birusaren transmisioa kontrolatzeko, ezinbestekoa da espazio itxiak zaintzea", azaldu du.
Bere aldetik, EH Bilduko Mikel Oterok uste du covid pasaportea lagungarri izan daitekeela, baina argi utzi du horrekin bakarrik ez dela nahikoa. Ziurtagiriaren eraginkortasuna ere mugatua dela eta miraririk ezin dela espero nabarmendu du. Gainera, ezartzekotan, nola eta zein baldintzatan ezarri nahi den pasaportea argi azaltzeko eskatu du: "Ostalariak ez dira polizia lanetan jarri", esan du.
Ildo beretik mintzatu da Carmelo Barrio PP-Cs koalizioko legebiltzarkidea ere, eta "ikuskatzaile lanetan jarriko diren sektoreei" laguntzeko eskatu die Eusko Jaurlaritzari.
Gasteizko Gobernuko bazkide diren EAJ eta PSE-EE alderdiek, aldiz, ez dute uste aisialdiko aretoetan eta ostalaritza-establezimenduetan kontrol lanak egitea ez dela zaila izango.
Azkenik, alderdi guztiek berretsi dute txertaketa dela covidaren transmisioa eteteko gakoa, eta berriro txertorik hartu ez duten herritarrei dei egin diete, hitzordua har dezaten.
Entzun, hemen, Parlamento Ondas saioko solasaldi politikoa
Zure interesekoa izan daiteke
EAJk Londresera Euskadi "kritikatzera" eta etxebizitzaz hitz egitera joatea leporatu dio EH Bilduri, bere ekarpena "zero" denean
Iñigo Ansola BBBko presidenteak Pello Otxandiano EH Bilduko Eusko Legebiltzarreko buruari aurpegiratu dio aste honetan Londresera bidaiatzea, bere alderdiak etxebizitzari buruz egindako proposamena aurkeztera, "Euskadi zalantzan jarri eta kritikatzeko". Ildo horretatik, Euskadin etxebizitza publikoa eraikitzeko egin duen ekarpena "zero" izan dela ziurtatu du.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.