Otegi: "Ez da aurrekontu akordio bat izan, kontuak hobetu egin ditugu"
Arnaldo Otegi EH Bilduko koordinatzaile nagusiak azpimarratu duenez, koalizioa EAEko aurrekontuen bozketan abstenitzea "ez da aurrekontu akordio bat" izan; "kontuak hobetu egin ditugu", erantsi du, Eusko Jaurlaritzak Legebiltzarrean duen gehiengo osoa gogora ekarrita. "Tribunan buruz behera jarrita ere, ez genuke ezer lortuko. Aurrekontuak berdin-berdin onartu behar zituzten", gaineratu du. Hala, Otegiren hitzetan, "kontuak hobetzeko aukera eman ziguten eta hori egin dugu".
Hala, Osakidetzarentzat lortutako 30 milioiak edo ikerketa edo garapenera bideratutako 77 milioiak aipatu ditu. Dena den, adostutako partidez harago, "garrantzitsuena da guretzat inportanteak ziren gai batzuk agenda politikoan sartu ditugula: hala nola, etxerik ez duen jendea, Osakidetza, trantsizio energetikoa, klima aldaketa, gazteria, etxebizitza, ikerketa eta garapena..."
ELAren "hiperkritikaren" aurrean, Otegik nabarmendu du ez direla "EH Bilduren aurrekontuak. Gure abstentzioaren truke, jendeari bideratuko zaizkion 253 milioi euro lortu ditugu. Aurrekontu hobeak ditugu, eta pozik gaude".
Radio Euskadiko "Boulevard" saioan eskaini duen elkarrizketa batean, adostu ezin izan dituzten gaiak ere izan ditu hizpide Otegik. Argitu duenez, euren bi eskakizuni betoa ezarri die Jaurlaritzak: politika fiskalak aldatzeari, eta kooperatibak Lanbiden sartzeari. Lehenengoari buruz, honakoa bota du buruzagi abertzaleak: "herri honetan eztabaida fiskala izango da, bai ala bai".
Bestalde, etxebizitza, hezkuntza edo estatus politiko berriaren inguruko "herri akordioak" lortzeko konpromisoa berretsi du. Hori bai, "batzuk lortzen ez badira, desdramatizatu behar dugu".
EPPKren agiria hizpide, Otegik esan du "albiste ona" izan dela. Ezker abertzaleak urriaren 18an Aieten egindako adierazpena ere gogora ekarri du, eta horren ildoan, ohartarazi "herri honek pairatu duen sufrimenduaren beste arduradun batzuen adierazpenak falta" direla. "Batzuk elkarbizitzaren alde gaude, beste batzuk errelatoan", kritikatu du.
Ortuzarrek asteon esan duenez, Estatuko aurrekontu orokorretan EAJk eta EH Bilduk lortutakoan "alderik ez" dago. Adierazpen horiei buruz galdetuta, EH Bilduko buruzagiak honakoa erantzun du: "Noski aldea badagoela. Eurak zementua eta azpiegiturak izan dituzte ardatz; guk, herritarren beharrak. Euren kolorea urdina da, eskuinarena; gurea, aldiz, gorria".
Azkenik, pandemia ahotan, komunitate zientifikoak proposatutako prebentzio neurri ororen alde agertu da, dela osasun ziurtagiria edo txertaketa. Horrez gain, gogor jo du EAEko Auzitegi Nagusiaren kontra: "Egunkariak itxi, alderdiak ilegalizatu edo torturatu den herri batean esatea karaokeak debekatzea kalte larria dela, harri eta zur uzten nau".
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.