Pablo Montesinos: "PPk ezezko garbia emango dio lan erreformari"
Radio Euskadiko "Boulevard" saioan egin dioten elkarrizketan Pablo Montesinos PPren idazkariorde adierazi duenez, popularrak "hasieratik" egon dira Pedro Sanchezen gobernuak patronalarekin eta CCOO eta UGT sindikatuekin adostutako lan erreformaren aurka. Diputatuen Kongresuko ordezkari ere badena kexu mintzatu da, haren esanetan, ez dutelako gobernuaren deirik jaso gaiari buruz hitz egiteko. Horregatik, ohartarazi du Alderdi Popularra ez dela "Pedro Sanchezen salbatzaile" izango. Montesinosen ustez, Espainiako presidenteak "bazkide erradikalenak pozik uzteko" egin du lan kontraerreforma hori, eta, ildo horretan, Pedro Sanchezen ahultasun politikoa "ukaezina" dela adierazi du. Montesinosen arabera, "lehen", Gobernuko presidenteak oposizioko buruarekin hitz egiten zuen, eta oraingoan ez omen dute ezertaz hitz egin, ezta lan arloaz ere. Zentzu horretan, argi utzi du PPk "motxila austriarra" ezarri nahi duela. Moncloak egindako presioa handia izanagatik ere, PPk lan erreformari emandako ezetza ezezko argia dela aldarrikatu du. Dena dela, koalizio gobernuak PPren jarrera zein den jakin nahi badu hitz egiteko prest daudela gaineratu du. Era berean, uste du lan erreforma lege proiektu gisa izapidetu behar zela hasieratik.
Gaztela eta Leongo hauteskundeen inguruan galdetuta, Montesinosek aipatu du Aznar presidente izandakoa kanpainan parte hartzen ari dela Fernandez Mañueco hautagaiari babesa emateko eta PPren inguruan botoa batzen ahalegintzeko. Itxaropentsu agertu da eta gehiengo zabala lortuko dutela uste du. "Gaztela leondarrek irteerako atea erakutsiko diote Sanchezi". Are gehiago, haren hitzetan, Sanchezek hori badaki eta horregatik ez da kanpainan ia parte hartzen ari. "Gaztela eta Leongo hauteskundeak inflexio puntua izango dira Espainiako politikagintzan, eta presidentearen atzerako kontaketa hasi da", zehaztu du.
Europako diru funtsei lotuta salatu duenez, sozialistek agintzen duten udalerriak izan dira onura gehien jaso dutenak eta galdetu du zergatik egin duen Espainiako Gobernuak banaketa "sektario" hori. Azaldu duenez, PPk "funtsen bilakaera kudeatzeko agintaritza independente bat sortzea" eskatu zuen, eta Pedro Sanchezek horri uko egin zion. Horregatik, banaketa hori salatzen jarraituko dutela aurreratu du.
Amaitzeko elizaren barruan sexu abusuak egon badira horiek salatu egin behar direla esan du, justiziak bere bidea egin dezan.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".