Espainiako Gobernua seguru dago Kongresuak lan-erreforma onartuko duela
Espainiako Gobernuak segurutzat ematen du Kongresuak lan-erreformaren dekretua onartuko duela datorren osteguneko bozketan; izan ere, Ciudadanosen eta alderdi txikiagoen aldeko botoak bermatuta ditu jada; Más País, Compromís, Nueva Canarias, Coalición Canaria, Teruel Existe eta PRC alderdiena, esaterako.
Edonola ere, Pedro Sanchezen Exekutiboak negoziatzen jarraituko duela iragarri du, eta ez du baztertzen inbestidurako bazkideek, tartean ERCk edo EAJk, ekimenarekin bat egitea azken unean.
"Uste dugu dekretua onartzeko baldintzak badaudela. Talde parlamentario guztiekin hitz egin dugu, eta baikorrak gara bozketari dagokionez", adierazi du Hector Gomez PSOEren bozeramaileak.
Halaber, zehaztu du EAJrekin eta ERCrekin elkarrizketak ez direla amaitu, eta "ateak irekita" daudela oraindik.
Horrez gain, koalizio-gobernuak PDeCATekin harremanetan jarraitzen du, bere lau diputatuen botoak lortze aldera. Alabaina, Ferran Bel alderdi katalaneko bozeramaileak adierazi du joan den astean baino zalantza gehiago dituztela orain, eta Yolanda Diaz Lan ministroaren negoziatzeko estrategia kritikatu du.
ERCk ere salatu du Diazen jarrera, eta Pedro Sanchezen inbestidura ahalbidetu zuten taldeak baztertu izana aurpegiratu dio. Ildo horretan, EH Bilduk, CUPek eta BNGk deitoratu dutenez, Gobernuak nahiago izan du Ciudadanosekin bat egitea ela patronalaren baldintza guztiak onartzea, testua moldatzeko aukerari uko eginda.
Botoen banaketa Parlamentuan
PSOEk eta Unidas Podemosek 154 ordezkari dauzkate, eta dagoeneko ondoko alderdiek lan-erreforma babestuko dutela iragarri dute: Más País-Equo (2), Compromís (1), Nueva Canarias (1), Kantabriako Alderdi Erregionalista (1) eta Teruel Existe (1).
Halaber, Ciudadanosek (9), UPNk (2) eta Coalicion Canariasek (1) adierazi dute lege-dekretu hori onartzeko prest daudela, testuan aldaketarik egiten ez bada.
Guztira, 172 dira ekimena babesteko prest egongo liratekeen diputatuak, eta horiei PDeCATeko 4 ordezkariak batzeko aukera egon daiteke oraindik. Beraz, 176 ordezkariek bat eginez gero, gehiengo absolutua izango lukete Kongresuan.
Bestalde, lan-erreformaren kontra bozkatuko dutela jakinarazi dute Alderdi Popularrak (88), Voxek (52), Juntsek (4) eta Foro Asturiasek (1). Gainera, ERCk (13), EH Bilduk (5), CUPek (2) eta BNGk (1) sarritan adierazi dute ekimenaren aurka agertuko direla, Gobernuak patronalarekin eta CCOO eta UGT sindikatuekin adostutako testuan aldaketak egiteko aukerarik ez badago.
Horiek guztiak kontuan hartuta, ezezko botoak 166 izango lirateke; 167, Talde Mistoan dagoen Ciudadanoseko diputatu ohia batuz gero; eta 173, EAJk azkenean kontra bozkatzen baldin badu.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.