Iratxe Sorzabal ETAko buru ohiak salatu du torturapean jo zuela bere burua errudun
Espainiako Auzitegi Nazionala Iratxe Sorzabal ETAko buru izandakoa epaitzen hasi da gaur, 1996an Gijonen bi lehergailu jarri izana leporatuta. Sorzabalek, ordea, akusazio guztiak ukatu ditu, eta epailearen aurrean salatu du Guardia Zibilaren torturen infernutik ateratzeko jo zuela bere burua errudun inkomunikazio aldian.
Goizeko 10:30ak aldera hasi da Sorzabalen aurkako epaiketa Madrilen. 1996. urtean ETAk Gijonen egindako bi atentatuengatik 46 urteko kartzela zigorra eskatzen du Fiskaltzak.
Sorzabalek, baina, akusazio guztiak ukatu ditu eta azaldu du bost eguneko inkomunikazio aldian torturapean onartu zituela poliziaren aurrean egintzak. "Torturatu eta deklarazio horiek egitera behartu ninduen", azaldu du.
1997ko udara arte ETAko taldean sartu ez zela eta erasoetan parte hartu ez zuela esan du Sorzabalek. Ordura arte informazio lanak egitera mugatu zela ziurtatu du akusatuak, Irun eta Hendaia arteko mugan kontrolak zeuden ala ez egiaztatzera, alegia. "Ez naiz sekula Gijonen egon, ezta Asturiasen ere", azpimarratu du.
2001eko atxiloketaren ostean aske geratu eta Frantziara ihes egin zuela kontatu du. Orduan ETAn sartu zen, 2015ean atxilotu zuten arte.
Bestalde, Espainiako Poliziako inspektore buru batek azaldu duenez, 2002an Castreseko (Frantzia) etxe batean Iratxe Sorzabalen eskuidatzi bat topatu zuten, non 2001ean Guardia Zibilaren aurrean aitortutako gauza bera azaltzen zuen.
Gutuna idatzi zuela onartu du Sorzabalek, baina erakundeari bere burua errudun jotzera eta beste pertsona batzuei errua egoztera eraman zuten torturen berri emateko izan zela zehaztu du.
Auzitegi Nazionaleko ateraino EH Bilduko ordezkaritza bat hurbildu da. Jon Iñarritu diputatuak komunikabideen aurrean esan du badela garaia gisa horretako epaiketekin amaitzeko. "Gogoratu beharra dago torturapean egindako autoinkulpazio batean oinarritutako akusaziopean deklaratuko duela Sorzabalek", nabarmendu du. "Onartezina da", esan du.
Gainera, Iñarrituk azpimarratu du ez dela baldintza horietan epaitzen duten lehenengo aldia. "Eusko Jaurlaritzak egindako txosten batek erakusten du 5.000 pertsonatik gora torturatu dituztela", adierazi du.
Gaurko saioa 12:00ak aldera amaitu da, eta bihar jarraituko dute epakietarekin.
Zure interesekoa izan daiteke
Pradalesek gehiengo sindikala hartuko du gaur, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.