Sorzabalek ETAren indarkeriaren amaiera babestu zuela aintzat hartzeko eskatu diote Auzitegi Nazionalari
Nazioarteko ordezkari talde batek adierazpen bat sinatu du Iratxe Sorzabal ETAko buruzagi ohiaren aurka bihar hasiko den prozesu judizialaren harira, eta botere judizialari eskatu diote "aintzat" har dezala egungo "bake testuinguru politikoa".
Brian Currin abokatu hegoafrikarrak, Ronnie Kasrils Hegoafrikako Defentsa eta Inteligentzia ministro orde ohiak, Nora Coriñas Argentinako Madres de la Plaza de Mayoren fundatzaileak, Gerry Kelly IRAko kide eta Sinn Feineko politikari ohiak, Declan Kearney alderdikideak, Nikolaj Villumsen Europako Ezker Bateratuko eurodiputatu daniarrak eta Sandra Remirez politikari kolonbiarrak sinatu dute adierazpena, besteak beste.
Iratxe Sorzabal ETAren buruzagi ohia astelehen honetatik aurrera epaituko dute Espainiako Auzitegi Nazionalean, Frantziak auzi horren baitan Espainiaratu ostean. 1996an Xixonen bi lehergailu jartzea egozten diote. Inork ez zuen min hartu atentatu hartan, baina kalte materialak handiak izan ziren.
Auzi saio horren aurrean, adierazpenaren sinatzaileek eskaera egin diote botere judizialari "kontuan har dezan ze testuinguru politikotan eman ziren ustezko delituak eta epaiketa hau bakearen eta demokrazia inklusiboaren testuinguru politiko eraldatuan garatzen dela".
"Hamar urte igaro dira ETAk borroka armatuari amaiera ematea erabaki zuenetik, eta lau urte desegin zenetik. Iratxe Sorzabalek, ETAren zuzendaritzako kide gisa, berebiziko garrantzia izan zuen helburu hori lortzeko", azaldu dute.
"Ausarta izan zen bakea eta indarkeriaren amaiera babestean. Euskal Herriaren gehiengoak nahi zuena sostengatu zuen eta itxaropen etorkizun berri bat argitzen lagundu zuen", azpimarratu dute, "Euskal Herriko eta Espainiako eragile guztiek ulertu" beharko luketela gaineratu aurretik.
"Kartzelak husteko garaia da, ez betetzeko garaia. Dei egiten diegu Euskal Herriko eta Espainiako eragile guztiei hori kontuan har dezaten, epaiketa berri hau hastera doalarik", adierazi dute, eta gogorarazi "tortura eta tratu txarren salaketek zipriztindutako testigantzetan oinarritutako kondena luzeari" egingo diola aurre Sorzabalek.
Zure interesekoa izan daiteke
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo" politikoaren gaineko mozioa onartu du, eta eskatu dio Sanchezi ustelkeriagatik "ardura hartzeko"
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.