Bizitzeko gutxieneko diru-sarreraren eskualdatzea "laster" izango dela aurreratu du Mendiak
Bizitzeko gutxieneko diru-sarreraren kudeaketa Euskadiren esku uzteko bilera telematikoa izan zuten joan den asteazkenean Eusko Jaurlaritzako eta Espainiako Gobernuko ordezkariek, baina akordioa itxi gabe geratu zen. Gaiari buruz galdetuta, Idoia Media Eusko Jaurlaritzako bigarren lehendakariordeak eta Lan eta Enpleguko sailburuak zehaztu du asteon egindako bilera "batzar teknikoa" izan zela, "ez eskualdatzea egikaritzeko bilera". "Borondate politikoa" egon badagoela eta bi aldeak "etenik gabe" lanean ari direla ziurtatu du, "ertz tekniko eta juridiko guztiak" ondo itxita lagatzeko. "Laster iritsiko da eskualdatzea, hori da aurreratu dezakedan bakarra", gaineratu du.
Radio Euskadin egin dioten elkarrizketan, Olatz Garamendi Gobernantza Publiko eta Autogobernu sailburua eta Isabel Rodriguez Lurralde Politikako ministroa, eta horien lantaldeak egiten ari diren lanean jarri du azpimarra Mendiak. Sailburu sozialistaren hitzetan, hari-mutur juridiko denak ondo jostea ezinbestekoa da, "dimentsio honetako transferentzia batekin". Aurrera begira, talderen batek eskualdatzeari "helegitea jartzeko arriskua" dagoela jakinda, "blindatuta utzi behar da".
Ez du datarik aurreratu, baina ortzi-mugan ikusten du Bizitzeko gutxieneko diru-sarreraren kudeaketa Jaurlaritzaren esku uztea. "Akordioa ondo itxita dagoela uste duenean iragarriko du Garamendik eskualdatzerako bilera", nabarmendu du.
Bestalde, PPren baitako krisia ere izan du hizpide, "beste alderdietako krisiei buruz hitz egitea gustuko ez dudan arren". Horren hitzetan, popularren arteko polemikak agerian uzten du Espainiak "aurrera begirako proiektu bakarra duela, PSOEk gidatutakoa". Halere, PP gatazka hau bideratzeko gai izatea espero duela esan du, "Espainiak Alderdi Popularra behar duelako, Estatu mailako alderdi bat".
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.